Ish-kryebashkiaku i Kavajës, Elvis Roshi është paraqitur në SPAK.
SPAK ka hapur ndaj tij një hetim për shpërdorim detyre, gjatë kohës që ushtronte funksionin e kryetarit të bashkisë së Kavajës. Gjykata e Posaçme kundër Krimit të Organizuar dhe Korrupsionit, i ka kërkuar SPAK-ut që të marrë nën hetim ish-kryebashkiakun e Kavajës Elvis Roshi, për një denoncim që është bërë ndaj tij në vitin 2017, në lidhje me akuzën e shkeljes së barazisë në tendera.
Ndërkohë SPAK ka sekuestruar edhe celularin e ish-kryebashkiakut, në kuadër të krimeve zgjedhore. Roshi u përfshi në fushatë për kushëririn e tij Elton Roshin, i cili garonte për deputet në zgjedhjet e 11 majit, nën siglën e “Aleanca për Shqipërinë Madhështore” të udhëhequr nga PD.
