Një 93-vjeçar ka vdekur dhe 19 persona të tjerë janë plagosur pasi një zjarr shpërtheu në një azil pleqsh në verilindje të Spanjës.
Flakët nisën në një dhomë në katin përdhes, të premten në mbrëmje në azilin në Zaragoza, dhe më pas u përhapën në gjithë godinën. Burri i moshuar vdiq në vendngjarje, ndërsa 19 personat e tjerë u dërguan në spitale për shkak të thithjes së tymit.
Shtëpia e pleqve sipas mediave të huaja, strehonte 132 persona. Shërbimet e emergjencës dhe banorët vendas punuan së bashku për të evakuuar banorët, disa prej të cilëve u detyruan të zbrisnin nga dritaret. Policia ka nisur një hetim për incidentin, që dyshohet se ka ardhur pas një shpërthimi të një bombole oksigjeni.
