Pas katër sezonesh, rrugët e Simone Inzaghi dhe Inter janë ndarë. Klubi dhe trajneri morën vendimin me mirëkuptim të ndërsjellë dhe menjëherë pas zyrtarizimit të largimit, në faqen zyrtare të shoqërisë zikaltër u shfaq një letër me të cilën tekniku nga Piacenza dëshironte të përshëndeste tifozët. “Në këto katër vite kam dhënë gjithçka, Inter ka qenë gjithmonë mendimi im i parë dhe i fundit i ditës. Në një ditë të vështirë si kjo e sotmja është e drejtë të ritheksoj ndjenjën time të mirënjohjes ndaj të gjithëve. Nuk do t’ju harroj kurrë”.
LETRA E SIMONE INZAGHI
“E dashur familje zikaltër,
Ka ardhur për mua momenti të përshëndes këtë Klub pas një rrugëtimi katërvjeçar, gjatë të cilit kam dhënë gjithçka. Çdo ditë ia kam kushtuar Interit mendimin tim të parë dhe të fundit të ditës. Jam shpërblyer me profesionalizëm dhe pasion nga futbollistët, drejtuesit dhe çdo punonjës i vetëm i klubit.
Gjashtë trofetë e fituar, ndër të cilët titulli kampion i Yllit të Dytë, së bashku me rrugëtimin në UEFA Champions League në vitin 2023 dhe disa ditë më parë, janë dëshmia e prekshme e sa shumë është mbështetur puna ime nga një bashkim qëllimesh me stafin tim dhe me çdo komponent të Inter.
Lexo më tej: Çfarë ndodhi në takimin mes Simone Inzaghi e Marotta para ikjes nga Inter: “U lodha”
Falënderoj aksionarët për besimin që nuk ka munguar kurrë, Presidentin dhe bashkëpunëtorët e tij për ndihmën dhe dialogun e përditshëm. Në një ditë të vështirë si kjo e sotmja, mendoj se është e drejtë të ritheksoj këtë ndjenjë mirënjohjeje edhe për përballjen që u përmbyll pak më parë. Kemi qenë të sinqertë dhe kemi vendosur së bashku të përfundojmë këtë rrugëtim të mrekullueshëm.
Fjalën e fundit dua t’ia kushtoj miliona tifozëve zikaltër që më kanë mbështetur, kanë qarë dhe vuajtur në momentet e vështira dhe kanë qeshur e festuar në gjashtë triumfet që kemi përjetuar së bashku.
Nuk do t’ju harroj kurrë”.
