"Do e pranoje të fitonim me Serbinë dhe të humbnim me Letoninë? – Po, do e pranoja". Arbër Hoxha e tregon qartë impaktin që ka kjo ndeshje për tifozët, por si shihet edhe vetë lojtarët. Rezultati është i rëndësishëm, fitorja është gjithçka e në konferencën për shtyp të vigjiljes, ëingeri nuk fshihet pas fjalëve: "Normal që është pak ndeshje emocionale, nuk diskutohet. Por ne jemi profesionistë dhe do të bëjmë më të mirën në fushë".
Kanë kaluar 11 vjet nga tetori 2014 dhe ngjarjet e shëmtuara në Beograd, me uzurpimin e tifozëve ultras serbë në fushë dhe dronin me flamurin e Shqipërisë së madhe e mbrojtur nga lojtarët e kombëtares. Vetëm Hysaj nga lojtarët aktualë ka qenë në fushë në atë ndeshje, fituar më pas 0-3 në tavolinë në CAS, por Hoxha e kujton: "Kam qenë i vogël në atë kohë dhe e kam parë atë ndeshje. Ka qenë shumë emocionale, jo vetëm për mua, por për të gjithë shqiptarët. Hysaj na tregon edhe tani për historinë atje. Ne duhet të futemi në fushë dhe të bëjmë më të mirën për të fituar ndeshjen".
Lexo më tej: "Serbia? Krosime e kundërsulme": Strakosha minimizon rivalin e jep mesazh për tifozët
Kualifikimi në Botëror kalon pikërisht nga kjo ndeshje dhe Hoxha e di mirë se cdo rezultat tjetër do të ishte kompromentues: "Kjo ndeshje është e vështirë dhe besoj që vendos për një vend “play-off” për në Botëror. Shpresojmë që do të fitojmë ndeshjen dhe të kemi shpresë në Botëror".
