Kryetari i PD-së në konferencën e sotme për mediat tha se korrupsioni me fondet e IPARD është një nga aktet më të shëmtuara. Berisha u shpreh se dosjen e këtij korrupsioni e mban kreu i SPAK, Altin Dumani me urdhër të kryeministrit Edi Rama. Më tej, ai shtoi se autorja e vjedhjeve të fondeve të IPARD-it, është këshilltare në kryeministri.
"Korrupsioni me fondet e IPARD është një nga aktet më të shëmtuara. Dosjen e mban Altin Dumani me urdhër të Edi Ramës. Dosja është dorëzuar në SPAK nga ish-ambasadorja e BE para largimit të saj. Por një dorë e zezë e ka bllokuar atë dhe ajo nuk lëviz. Ka privuar fermerët shqiptarë nga 130 milionë euro.
Kurse autorja kryesore, pas Ramës, e atyre vjedhje të fondeve të IPARD-it, është këshilltare në kryeministri. Po përgatit një libër, një tekst për akademinë e barinjve. Po, po, se tani ka aktivitet akademik ajo Krifca.", tha Berisha.
