Pas fitores së mandatit të katërt, Edi Rama i ka dhuruar vetes ca momente luksi nga finalja e Champions League në Gjermani ku po qëndron bashkë me të birin, Zahon. Pasi takoi influencerin e njohur si “Speed” në tribunën VIP të Allianz Arena, Rama është ndeshur me Nusretin, kuzhinierin turk, pronar i një rrjeti restorantesh të famshëm në të gjithë botën për gatimin special të mishit, por edhe për çmimet e kripura të cilat vijnë me shërbimet e tij.
Interesante është se në foton që ka shpërndarë me Edi Ramën në rrjetin Instagram, Nusreti, i njohur edhe si Salt Bae duket se ka një njohje të hershme me Edi Ramën, kryeministrin e vendit më të varfër të Europës, që shpesh është përshkruar si njeri që i pëlqen të shijojë ushqimet dhe pijet, që vijnë me çmime trullosëse.
[caption id="attachment_1005306" align="alignnone" width="794"]
Screenshot[/caption]
“Edi Rama, më shumë se mbret” është mesazhi me të cilën Nusreti shoqëron foton e publikuar në rrjetet sociale, sikur ta dinte se me të njëjtat epitete shqiptarët po përflasin të vetmin kryeministër të tranzicionit që ka marrë një mandat të katërt dhe që ka mbyllur çdo hapësirë të mundshme për rotacion, njësoj si në monarki.
