Policia ka vënë në pranga një person që u përplas me makinën e policisë dhe disa mjete të tjera.
I gjithë aksioni është zhvilluar në zonën e “Medresesë” në kryeqytet, ku i riu në automjetin e tij pasi ka përplasur makinën e policisë është larguar. Uniformat blu nisën operacionin për ta kapur dhe në ndjekje e sipër ai ka përplasur edhe disa makina të tjera.
Pas një përpjekjeje intensive, policia arriti që më në fund ta ndalojnë dhe ta vërë në pranga. Ngjarja ka shkaktuar jo pak shqetësim dhe ka tërhequr vëmendjen e qytetarëve, pasi zona ku ka ndodhur ngjarja është mjaft e populluar. Mësohet se personi i arrestuar te “Medreseja” ku një makinë përplasi disa automjete policie, është rreth 40 vjeç dhe vuan nga probleme të shëndetit mendor.
