Presidenti i SHBA, Donald Trump, shprehu mbështetjen e tij për objektivat aktualë të kryeministrit Benjamin Netanyahu në lidhje me luftën në Gaza, si dhe për nevojën për të parandaluar që Irani të sigurojë armë bërthamore, gjatë një telefonate mes dy liderëve sot, sipas një njoftimi nga zyra e kryeministrit izraelit.
Netanyahu dhe Trump diskutuan për luftën në Gaza dhe “Presidenti Trump shprehu mbështetjen e tij për objektivat e përcaktuara nga Kryeministri Netanyahu: lirimin e të gjithë pengjeve tona, eliminimin e Hamasit dhe avancimin e Planit Trump”, thuhet në deklaratë.
Në një konferencë shtypi mbrëmjen e djeshme, Netanyahu përfshiu për herë të parë zbatimin e planit pas-luftës të Trump për zhvendosjen e civilëve nga Gaza si një parakusht për përfundimin e luftës.
Po ashtu, thuhet se dy liderët ranë dakord për domosdoshmërinë që Irani të mos përvetësojë armë bërthamore.
Telefonata vjen pas sulmit me armë ndaj dy punonjësve të ambasadës izraelite në Uashington mbrëmjen e djeshme, dhe Trump shprehu “dhimbjen e tij të thellë për vrasjen e tmerrshme” të viktimave, sipas deklaratës së Netanyahut.
Netanyahu gjithashtu falënderoi homologun e tij amerikan për përpjekjet që ai dhe qeveria e tij po bëjnë për të luftuar manifestimet e antisemitizmit në Shtetet e Bashkuara, përfundon deklarata.
