Lapsi Video

Aplikacioni

Android iOS
Flash

Mackenzie goditet në kokë nga një karrige e hedhur nga tifozët e tij: në fushë kaos

Lapsi.al 18 May 2025
Mackenzie goditet në kokë nga një karrige e hedhur nga
Ka qenë një kaos total në përfundim të ndeshjes Dundee United–Aberdeen, takim i javës së fundit të elitës së futbollit skocez: futbollisti i ekipit mysafir, Jack Mackenzie, është goditur në kokë nga një karrige që ra në fushë nga shkallët, pasi ishte hedhur nga vetë tifozët e tij. Skena të çmendura që prishën përfundimin e një ndeshjeje tejet të tensionuar, e cila vlente për vendin e katërt në renditje – një pozicion që garanton pjesëmarrjen në garat evropiane.

Jack Mackenzie shembet në tokë, u godit nga një karrige

Dundee United i duhej vetëm një rezultat për të kaluar Aberdeen-in: fitorja – dhe kështu ndodhi. Fitorja 2-1, e ardhur me përmbysje, i vendos të dy skuadrat me pikë të barabarta, por vendi i katërt i takon Dundee-s. Me vërshëllimën përfundimtare nisën edhe problemet, kur tifozët vendas, në ekstazë për fitoren dhe kualifikimin në Conference League, zbarkuan në fushë për të festuar një rezultat të jashtëzakonshëm për një klub që sapo është rikthyer në Scottish Premiership pas promovimit sezonin e kaluar.

Jack Mackenzie u godit nga karrigia e hedhur nga tifozët e tij

Si reagim krejtësisht i pamatur, tifozët mysafir hodhën një karrige në fushë – raporton “The Sun” – por i vetmi rezultat ishte goditja në kokë e mbrojtësit të majtë të Aberdeen-it, Jack Mackenzie, i cili u shemb në tokë. Futbollisti 24-vjeçar skocez, që për më tepër nuk luajti asnjë minutë dhe qëndroi në stol gjatë gjithë ndeshjes, mori menjëherë ndihmën e parë nga stafi mjekësor i “Dons”, ndërsa në “Tannadice Park” mbizotëronte kaosi. Pamjet tregojnë Mackenzie me gjak në fytyrë, me një fashë të madhe në kokë, teksa më pas largohet me barrelë, por sipas informacioneve, futbollistit të Aberdeen nuk i është dashur të shtrohet në spital. “Është e papranueshme, një gjë e tillë nuk mund t’i ndodhë një futbollisti që po bën thjesht punën e tij”, tha pak pas ngjarjes trajneri i ekipit mysafir, Jimmy Thelin. Marrëdhëniet e këqija mes dy tifozerive nuk mund të justifikojnë akte kaq të papërgjegjshme: me të vërtetë mund të kishte ndodhur një tragjedi.

Të këshilluara

ide

Haga, si përfundim i një epoke të gjatë yes man-izmi

Nga drama e 16 shtatorit, që po rekemi ta konsumojmë si popujt primitivë me lotë, mallkime, ofshama dhe qurravitje duhet të dimë të nxjerrim një mësim: Këtej e tutje askush nuk do të na rrespektojë, po nuk ditëm të respektojmë vetveten. Sepse verdikti i asaj gjykate të instrumentalizuar erdhi si pasojë e servilizmit tonë të verbër ndaj perëndimit

16:25 Andi Bushati

Gënjeshtra e rezorteve elitare

Në Sazan edhe në Zvërnec qeveria po financon komplekse luksoze banimi që do pasurojnë ndërtues lokal dhe ndërkombëtarë, herë duke i hequr taksat, herë duke i çuar infrastrukturë dhe herë duke privatizuar tokën dhe plazhet publike

13:55 Blendi Kajsiu

MOTI TIRANA

25°c

KËMBIMI EURO

91.40

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI