Makina futet mes turmës e përplas tifozët e Espanyol para derbit: 13 të plagosur

Skena çmendurie absolute përpara derbit mes Espanyol dhe Barcelonës, që i dha katalanasve mundësinë të fitojnë titullin në La Liga. Jashtë stadiumit ndodhi gjithçka. Fillimisht përplasje me policinë, tension dhe disa sulme. Më pas ndodh diçka krejtësisht e paimagjinueshme. Në rrjetet sociale qarkullojnë disa video që tregojnë imazhet e asaj që mund të kishte qenë një tragjedi, e që vetëm për fat është shmangur, të paktën pjesërisht. Një makinë e çmendur niset me shpejtësi të madhe nga sheshi përpara stadiumit dhe përplas disa persona. Fillimisht nuk u kuptua çfarë po ndodhte. Makina e bardhë dukej e rrethuar nga tifozët e Espanyol të cilët hodhën objekte drejt saj. Policia u përpoq të krijonte një kordon, por papritur mbeten të shokuar përballë gjestit të drejtuesit të mjetit, i cili shtoi shpejtësinë dhe përplasi të gjithë ata që ndodheshin përpara automjetit. Sipas përditësimeve të fundit nga autoritetet spanjolle që raportojnë në kohë reale mbi atë që ka ndodhur, janë 13 të plagosur, prej të cilëve 4 në gjendje mesatarisht të rëndë dhe 9 me lëndime të lehta, si pasojë e incidentit në Cornellà.

? ÚLTIMA HORA | Atropello masivo en las inmediaciones al Estadio de Cornellá ? Hay 7 ambulancias trabajando a destajo sobre los aficionados atropelladospic.twitter.com/sYwwa7DN4X

— Tiempo de Juego (@tjcope) May 15, 2025

Tifozët e Espanyol nuk donin që ndeshja të luhej

Sipas një rindërtimi paraprak të ngjarjes, duket se drejtuesi i automjetit kishte tentuar të futej në një zonë ku shumë tifozë të Espanyolit po qëndronin në këmbë. Nga informacionet e para rezulton se drejtuesi i Peugeot-it kishte përplasur një grua që kishte mbetur e bllokuar poshtë makinës. Personat e pranishëm kishin tentuar të tundnin automjetin për të liruar të plagosurën, por shoferi mendohet se kishte shtuar sërish shpejtësinë duke përplasur disa persona, siç shihet edhe në pamje. Për shkak të incidentit jashtë stadiumit, tifozët e Espanyolit kishin braktisur vendet e tyre pas portës dhe nuk donin që ndeshja të zhvillohej. Në video të tjera të postuara në rrjete sociale shihen disa persona të përgjakur, gati për t’u ndihmuar nga shërbimet e emergjencës. Kaosi bëhet total dhe lajmi mbi atë që ka ndodhur i arrin edhe arbitrit kryesor dhe gjyqtarëve të ndeshjes. Fillimisht mendohej se ndeshja nuk do të luhej, por më pas, pas një bisede të shkurtër me policinë, u vendos që ndeshja të zhvillohej normalisht dhe aktualisht është duke u luajtur. Megjithatë, ajo që ndodhi do të jetë sigurisht objekt hetimi gjatë ditëve në vijim për të përcaktuar përgjegjësitë e secilit.

? ? ????????: FANS ARE BEING RAN OVER OUTSIDE THE STADIUM! — @CocoExiliado pic.twitter.com/NGM20hzA0m

— The Touchline | Football Coverage (@TouchlineX) May 15, 2025