Lapsi Video

Aplikacioni

Android iOS
Flash

PSG kalon në kundërsulm ndaj Mbappé: kërkon 98 milionë për taktika zvarritëse

Lapsi.al 13 May 2025
PSG kalon në kundërsulm ndaj Mbappé: kërkon 98
Vazhdon pa kursyer goditje beteja ligjore mes PSG-së dhe Kylian Mbappé. Pas kërkesës së sulmuesit francez për 55 milionë euro të prapambetura dhe vendimit të Gjykatës së Parisit për të sekuestruar këtë shumë nga llogaritë e klubit, juristët e parizienëve kanë kaluar në kundërsulm dhe të hënën, gjatë seancës gjyqësore, kanë kërkuar nga ish-lojtari i tyre 98 milionë euro për përdorimin e “taktikave zvarritëse” që, sipas tyre, i kanë shkaktuar dëm klubit. Avokatët pretendojnë se nuk ka prova të mjaftueshme për të vërtetuar borxhin e supozuar ndaj Mbappé dhe kërkesa për 98 milionë ka për qëllim të tregojë se pretendimet e sulmuesit të Real Madrid janë të pabaza. Të hënën, një nga avokatët e Kylian Mbappé shpjegoi se lojtari ka arritur të rikuperojë vetëm 14 milionë euro nga 55 milionët e sekuestruara për qëllime parandaluese.

Lexo më tej: Mbappé përplasjet keq me PSG: gjykata i sekuestron klubit 55 milionë euro

Në fushën juridike, një taktikë zvarritëse synon të fitojë kohë përmes shtyrjes së afateve ose zgjatjes së një procesi. Konflikti mes dy palëve nisi në qershor 2024 me një paralajmërim zyrtar të lojtarit ndaj PSG-së, në të cilin i kërkohej klubit të paguante shumën e detyruar. Në gusht, sulmuesi iu drejtua LFP-së (Liga e Futbollit Francez) dhe UEFA-s për të rikuperuar shumën prej 55 milionë eurosh, të cilën PSG-ja ka refuzuar vazhdimisht ta paguajë. Që prej asaj kohe, të dyja palët janë përballur përpara autoriteteve sportive, të cilat janë shprehur të pamundura për të zbatuar vendimet e tyre në favor të lojtarit, për shkak të procedurës ligjore të nisur nga klubi.

Të këshilluara

ide

MOTI TIRANA

21°c

KËMBIMI EURO

94.14

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI