Pronari i Nottingham Forest zbret në fushë dhe qorton trajnerin
Deri në minutën e 81’, Nottingham Forest ndodhej në vendin e pestë, me një pikë më shumë se Chelsea, që duhej mbrojtur në tri ndeshjet e fundit të Premier League: goli i Buonanotte i ndryshoi planet skuadrës së Nuno Espírito Santo, surpriza e vërtetë e këtij sezoni të kampionatit anglez. Ky barazim i zbriti “Tricky Trees” në vendin e shtatë, pra në zonën e Conference League. Forest ishte rikthyer në Premier League para dy vitesh dhe, pasi siguroi mbijetesën sezonin e kaluar, këtë sezon ka qëndruar gjithmonë në zonën Champions në mënyrë mjaft befasuese: fakti që Anglia do të çojë pesë klube në kompeticionin më të lartë evropian sezonin e ardhshëm ka ndezur një “betejë” për vendin e pestë, në të cilën janë të përfshira të paktën katër skuadra.Nottingham, që në historikun e tij ka dy Champions League, mund të rikthehet kështu në një turne kontinental pas shumë vitesh, por, në dukje, pronari Evangelos Marinakis kishte ëndërruar melodinë e Champions dhe nuk e ka pëlqyer barazimin që mund t’i rrezikojë kualifikimin.Evangelos Marinakis entrando em campo para reclamar com Nuno Espírito Santo, após o empate do Nottingham Forest contra o Leicester. Com empate o Forest está cada vez mais distante de conseguir uma vaga na próxima Champions. ?️BBC pic.twitter.com/wBidf5xZn8
— LIBERTA DEPRE (@liberta___depre) May 11, 2025
Komentatorët mbetën të shastisur
Opinionistët Jamie Carragher dhe Micah Richards në studion e Sky Sports mbetën shumë të habitur nga ajo që panë dhe Gary Neville ishte shumë i ashpër: “Doja të flisja për mbrojtësin e majtë të Liverpool, por ndjej detyrimin të them që, sipas mendimit tim, ajo që sapo bëri pronari i Forest në fushën e ‘City Ground’ është qesharake. Po të isha në vendin e Nunos, do t’i thosha fjalë shumë të rënda, sepse është një skandal i vërtetë. Sapo janë kualifikuar për një kompeticion evropian, ku ai klub ka pasur histori, dhe të protestosh në atë fushë përpara tifozëve është një shaka e madhe”. Pak minuta më parë, ish-kapiteni i Manchester United kishte shkruar në X fjalë shumë të forta ndaj Marinakis: “Skandaloze nga ana e pronarit të Forest. Nuno duhet të shkojë të negociojë me të largimin që sonte! Tifozët, lojtarët dhe trajneri i Forest nuk e meritojnë këtë.” Gjesti i pronarit u pa, me të drejtë, si mungesë respekti për punën e bërë nga trajneri dhe lojtarët, të cilët po zhvillojnë sezonin më të mirë të tridhjetë viteve të fundit të klubit.Scandalous from that Forest owner. Nuno should go and negotiate his exit tonight with him! The Forest fans,players and manager do not deserve that
— Gary Neville (@GNev2) May 11, 2025
