Kryeministri polak, Donald Tusk, ka kritikuar ashpër të gjithë liderët që morën pjesë në paradën e mbajtur në Moskë, për të rikujtuar fundin e Luftës së Dytë Botërore.
Kritika e tij ishte kryesisht ndaj homologut të tij sllovak, Robert Ficos, udhëheqësit të vetëm të një vendi të Bashkimit Evropian që mori pjesë.
Në një konferencë për shtyp Tusk tha se kushdo që merr pjesë në paradën ushtarake atje, duhet të turpërohet.
“Përpiqem të mos komentoj mbi vendimet dhe sjelljen e udhëheqësve të shteteve, veçanërisht të komunitetit tonë”, tha Tusk. “Por nuk kam asnjë dyshim në mendjen time se të jesh në paradën e fitores në Moskë dhe të duartrokasësh Presidentin Putin është një turp për të gjithë atje”, tha ai.
