Një aeroplan me gjashtë persona në bord u rrëzua të mërkurën në mbrëmje pranë kryeqytetit kilian , ndërsa transportonte një pacient në një zonë pranë kufirit verior të vendit të Amerikës Latine, thanë autoritetet.
Kontakti me avionin u humb pranë kodrës El Roble, në zonën Curacavi, 40 kilometra në perëndim të kryeqytetit Santiago, sipas një deklarate nga Drejtoria e Përgjithshme e Aviacionit Civil.
“Avioni i ambulancës Piper Cheyenne II, i regjistruar me kodin CC-CCC, ishte ngritur nga kryeqyteti Santiago me destinacion Arica dhe u rrëzua ndërsa mbante “gjashtë persona”, sqaroi DGAC nëpërmjet X.
Kërkimet janë duke u zhvilluar në zonë, ku janë përfshirë ekipe nga forcat ajrore, policia dhe zjarrfikësit. Zona, në “lartësi të madhe”, është “jashtëzakonisht e paarritshme”, tha kryebashkiaku i Curacao-s, Cristian Hernandez, për një rrjet televiziv kilian.
