Gjysmëfinalja e parë e vajtjes në Champions League sheh Paris Saint-Germain të mposhtë 1-0 Arsenal në Emirates. Një rezultat që i afron francezët me finalen e Mynihut. Ndeshja vendoset që në minutën e 4', me një goditje të bukur me të djathtën nga Dembélé, pas asistit të Kvaratskhelia, që e mposhti portierin Raya falë edhe ndihmës së shtyllës. Anulohet goli i mundshëm i barazimit për anglezët, me Merino që u pikas në pozicion jashtë loje. Donnarumma realizoi të paktën dy pritje vendimtare për ta mbajtur portën e PSG të paprekur.
PSG sheh finalen. Fiton 1-0 në Emirates falë shpikjes së Kvarës, golit të Dembélé dhe pritjeve fantastike të italianit Donnarumma, dy prej tyre vërtet të pabesueshme, dhe e vë Arsenalin me shpatulla pas murit. Spanjollit Arteta, në ndeshjen e kthimit në “Parc des Princes”, do t’i duhet mrekullia për ta përmbysur këtë rezultat dhe për të çuar Gunners në finale. Në pjesën e parë luan më mirë PSG, që e zhbllokoi menjëherë me njeriun më të shumëpritur, Dembélé, pas asistit të lojtarit më teknik në fushë, Kvaratskhelia. E majta, që puthi shtyllën, ishte e paarritshme për portierin Raya.
Lexo më tej: Luis Enrique ironizon gazetarët anglezë: “PSG nuk e ka fituar Champions? As Arsenal”
Në pjesën e dytë, Emirates shpërtheu për një gol me kokë nga Merino, por pas më shumë se dy minutash konsultimi të brendshëm, VAR sinjalizoi arbitrin për pozicion jashtë loje. Loja pastaj nisi të ngadalësohet, mes zëvendësimesh dhe humbjesh kohe. Në fund, Arsenal u shty përpara, por ishin francezët që u bënë shumë më të rrezikshëm dhe iu afruan dyfishimit me rastin e shpenzuar nga Barcola dhe traversën e Ramos (i sapo futur në lojë). Në Londër përfundoi 0-1, PSG është një hap larg Mynihut.
