Lapsi Video

Aplikacioni

Android iOS
Flash

Shkëlqimi dhe rënia e Vlora Hysenit/ Shefja e SHISH nën hetim në dosjen e AKSHI-t

Tre vjet pas emërimit, gruaja që Rama e cilësoi si një “garanci të plotë” për inteligjencën shqiptare është pezulluar nga detyra dhe vendosur në “arrest në shtëpi” në kuadër të një hetimi të SPAK, i cili lidhet me dosjen për manipulimin e tenderëve të Agjencisë Kombëtare të Shoqërisë së Informacionit.

21:34

Evra kërkon të rrahë në oktagon "kafshuesin": larje hesapesh me Suarez në MMA

Lapsi.al 27 April 2025
Evra kërkon të rrahë në oktagon "kafshuesin":
Patrice Evra ka njoftuar për gjithë botën jetën e tij të dytë sportive: do të ngjitet në oktogon, në botën e MMA-së (artet marciale të përziera), për të cilën ish-kampioni i futbollit është stërvitur ashpër prej kohësh. Dhe për ndeshjen e tij të parë, që tashmë ka një datë, më 23 maj, ai ka shprehur edhe dëshirën se me kë do të donte të përballej. Do të ishte një kundërshtar i veçantë: Luis Suarez, duke rizgjuar një rivalitet të vjetër që daton nga koha e Premier League dhe që nuk është zgjidhur kurrë, edhe pas kaq vitesh.

Çfarë ndodhi mes Evra dhe Suarez në Premier League

Midis Luis Suarez dhe Patrice Evra nuk ka pasur asnjëherë marrëdhënie të mira. Janë më shumë se 10 vite që të dy nuk e kanë zgjidhur ende një çështje që i përket kohës së Premier League. Më saktësisht, duhet të kthehemi në nëntor 2011, kur Luis Suarez u ndëshkua rëndë nga Federata Angleze e Futbollit, pasi francezi e akuzoi atë për fyerje raciste gjatë një ndeshjeje mes Liverpool dhe Manchester United. Në atë periudhë, sulmuesi uruguaian u pezullua për plot tetë ndeshje, pavarësisht mohimit të vazhdueshëm të akuzave që iu drejtuan. Disa kohë më vonë, pati një tjetër përballje mes Suarez dhe Evra, që kulmoi me refuzimin e famshëm të Pistoleros për t’i dhënë dorën Evras para fillimit të ndeshjes.

Evra cinik, i kujton Chiellinin: “…mund të më kafshojë edhe mua”

Plagë të vjetra që kanë dalë sërish në sipërfaqe pas shumë vitesh dhe që vetë Evra i ka rikthyer me rastin e njoftimit të tij për debutimin e afërt në botën e MMA-së. Ish-ylli i futbollit francez po përgatitet për debutimin e tij absolut së bashku me mikun e tij dhe yllin e Professional Fighters League (PFL), Cédric Doumbé: “Prej vitesh po stërvitem me më të mirët në botë dhe ata do t’ju thonë se jam gati për këtë. Do të jap një spektakël në Accor Arena më 23 maj, ndaj ejani ta shikoni”, ka shkruar ai në rrjetet sociale, i gatshëm për sfidën e re. Në të cilën ka zgjedhur edhe kundërshtarin e tij: “Më pyetën kë dua të përballem. U thashë: Luis Suarez… Do ta paguaj nga xhepi im… por ai mund edhe të më kafshojë”, ka shtuar Evra, duke hedhur edhe një herë provokimin në kujtim të gjestit të Pistoleros gjatë Botërorit 2014 në Brazil, kur kafshoi në shpatull Giorgio Chiellini.

Të këshilluara

ide

Rënia e Vlorës në shtratin e krimit

Vlora nuk është as dardhë e as pjeshkë që dikush e ha pas shpinës së kryeminstrit. Ajo është ilustrimi më eklatant se si vetë Edi Rama i ka vënë institucionet e vendit në shërbim të pushtetit të tij, që në thelb është pushteti i krimit

14:48 Armand Shkullaku

Haga, si përfundim i një epoke të gjatë yes man-izmi

Nga drama e 16 shtatorit, që po rekemi ta konsumojmë si popujt primitivë me lotë, mallkime, ofshama dhe qurravitje duhet të dimë të nxjerrim një mësim: Këtej e tutje askush nuk do të na rrespektojë, po nuk ditëm të respektojmë vetveten. Sepse verdikti i asaj gjykate të instrumentalizuar erdhi si pasojë e servilizmit tonë të verbër ndaj perëndimit

16:25 Andi Bushati

MOTI TIRANA

11°c

KËMBIMI EURO

91.40

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI