Barcelona fiton 3-2 finalen e Kupës së Mbretit kundër Real Madridit falë një goli të një njeriu që nuk e prisje, Koundé. U deshën gati 120 minuta, 5 gola (i fundit erdhi në minutën e 115-të) për të vendosur fatin e trofeut spanjoll. “Mbani topin, sepse ata janë të vdekur… nuk munden më”, ishin fjalët e fundit të Carlo Ancelottit drejtuar skuadrës së mbledhur rreth tij në fund të kohës së rregullt. Kështu i udhëzoi lojtarët, të lodhur fizikisht dhe mendërisht nga përpjekja e madhe, sidomos në pjesën e dytë të ndeshjes, për të barazuar dhe përmbysur disavantazhin fillestar. Gjithçka u zhduk nga ai diagonale helmues, i lindur nga një top i administruar keq nga merengues.
Pedri, një magji e Mbappé, rrëmbimi i Tchouameni dhe goditja e fortë e Torres (pas një veprimi për t’u duartrokitur nga Yamal) ishin autorët e golave që nuk mjaftuan për ta mbyllur sfidën, e cila mbeti e ngulur në 2-2. Të paktën deri te ajo goditje fatale: 3-2. Ndodhi gjithçka: ajo që ndodhi gjatë ndeshjes, veçanërisht për shkak të një sërë episodësh të diskutueshme, është e destinuar të nxisë debate të nxehta. Dhe pastaj ishte edhe gati-sherri i shkaktuar nga kartoni i kuq për Rudiger dhe reagimi i zemëruar i lojtarëve. Përfundon keq, shumë keq.
Episodi i diskutuar
Duhen shpatulla të gjera dhe nerva çeliku për t’u gjendur në minutën e 96' me një penallti në dorë që mund të vendoste fatin e finales. Arbitri, De Burgos Bengoetxea, tregoi se i kishte të dyja kur u drejtua te monitori për rishikimin në fushë dhe për të verifikuar nëse kishte ose jo faull të Asencio ndaj Raphinhas. Pavarësisht rrëmujës në stadium dhe polemikave të zjarrta të ditëve të mëparshme, presioneve të skuadrave dhe, akoma më shumë, asaj psikologjike të të ndodhurit në një situatë shumë të ndjeshme me peshën e marrjes së një vendimi vendimtar, gjyqtari arriti të bëjë gjënë e duhur, me sugjerimin e VAR-it: ajo penallti që kishte akorduar duhej shqyrtuar me më shumë vëmendje, sepse diçka i kishte shpëtuar.
Lexo më tej: Arbitri i Barcelona-Real shpërthen në lot para ndeshjes: De Burgos denoncon presionet
Çfarë? Tentativa e brazilianit për t’u kapur edhe pas këtij episodi për të zhvendosur peshoren e ndeshjes sërish në favor të katalanasve. Në thelb nuk kishte asnjë ndërhyrje të parregullt, përkundrazi, ishte lojtari i Barcelonës që u përpoq ta mashtronte dhe mori një karton të verdhë për simulim. Por është një version që ka ndarë opinionistët në Spanjë mes atyre që mendojnë se kishte ndërhyrje për t’u ndëshkuar dhe atyre që e kritikojnë “dinakërinë” e jug-amerikanit.
Paralajmërim për Inter
Barcelona me rezultatin e paraqitjen në finalen e Kupës së Mbretit kundër Real Madrid jep një mesazh të drejtpërdrejtë për Inter, kundërshtarin e ardhshëm të katalanasve në gjysmëfinalen e Champions League. Përmbledhja e asaj që u pa është: nëse blaugranat luajnë siç dinë dhe me ritëm të lartë, nuk ka askush që t’u bëjë ballë. As një skuadër e fortë si ajo e Carlo Ancelottit. Por ajo që ndodhi në pjesën e dytë lë të kuptohet se gjithçka është e mundur. Gjykuar nga mënyra si u përmbys inercia e ndeshjes, gjithçka mund të ndodhë në përballjen e dyfishtë. Sigurisht, mungesa e Lewandowskit dhe fakti që Real Madrid mundi të mbante Mbappé fillimisht në pankinë janë faktorë, por kur ndezin yjet e tyre, efekti është si një rrufe verbuese.
