Heshtja, në këtë rast, po bën më shumë zhurmë. Jo vetëm që nuk ka pasur asnjë mesazh ngushëllimi nga kryeministri izraelit Benjamin Netanyahu dhe as nga ministri i Jashtëm Gideon Sa'ar për vdekjen e Papa Françeskut, por Sa’ar ka kërkuar fshirjen e të gjitha postimeve të publikuara nga ambasadat izraelite në mbarë botën.
Kjo ka shkaktuar indinjatë tek ambasadorët izraelitë, veçanërisht ata në vendet katolike. Në postime shkruhej: “U prehsh në paqe Papa Françesku, kujtimi i tij qoftë i bekuar”.
Vetëm Presidenti Isaac Herzog bëri një koment për Papën: "Shpresoj që kujtimi i tij të frymëzojë akte mirësisë dhe shprese për njerëzimin".
Zyrtarët izraelitë nuk e kanë fshehur arsyen e kësaj heshtjeje dhe të këtyre fshirjeve të bujshme. Janë deklaratat e Papës për Gazën që nuk i pëlqejnë administratës së Jeruzalemit. Bëhet fjalë për frazat: “Ajo që po ndodh në Gaza nuk është luftë. Është mizori.” Ose akuzat se Izraeli po “bombardon fëmijët dhe po i kosit me automatikë”.
LEXO EDHE: Vdekja e Papës/ Asnjë ngushëllim nga Izraeli dhe bota hebreje: Ishte problematik
Në mesazhin e tij të fundit Urbi et Orbi, përveç fjalëve kushtuar Gazës që e konsideroi "një situatë e neveritshme", Françesku tha gjithashtu: "Unë jam afër vuajtjeve të të krishterëve në Palestinë dhe Izrael, si dhe me të gjithë popullin izraelit dhe të gjithë popullin palestinez. Klima në rritje e antisemitizmit që po përhapet në të gjithë botën është shqetësuese”. ©LAPSI.al
