Piastri triumfon në Jeddah, mposht një super Verstappen: Leclerc në podium me Ferrari

McLaren fiton edhe garën e Çmimit të Madh të Arabisë Saudite në Formula 1 për vitin 2025, edhe këtë herë me një Oscar Piastri shumë të fortë, i cili arriti ta mbante pas një Max Verstappen super që e shiti shtrenjtë lëkurën (duke marrë edhe një penalitet prej pesë sekondash për shkak se preu kthesën 2 në nisje pikërisht për të mos u kaluar nga australiani), për t’u dorëzuar më pas vetëm në fund përballë fuqisë absolute të MCL39.

? "Well done everyone" @OscarPiastri secures his third victory of the season! ?#F1 #SaudiArabianGP pic.twitter.com/tAArBRWPqA

— Formula 1 (@F1) April 20, 2025

Në Jeddah shkëlqen ylli i Charles Leclerc, i cili me Ferrarin e tij bëri një paraqitje mjeshtërore që e çoi në krye të garës për disa xhiro pasi zgjati stint-in me gomën e mesme dhe më pas fluturoi edhe me gomat e forta, u çlirua nga George Russell dhe i rezistoi rikthimit të furishëm të Lando Norris me McLaren-in tjetër për t’i dhuruar podiumin e parë sezonal skuadrës nga Maranello.

Change at the top ? Let's take a look at the drivers' standings ⬇️ #F1 #SaudiArabianGP pic.twitter.com/iycSsPlplb

— Formula 1 (@F1) April 20, 2025

Garë pa emocione për tjetrin pilot të Ferrarit, Lewis Hamilton, i cili e mbylli garën saudite në vendin e shtatë, pas të dyja makinave Mercedes të Russell dhe debutuesit italian Andrea Kimi Antonelli. Protagoniste në pistën e Jeddah ishte edhe Williams, që futi të dy pilotët e saj në zonën e pikëve, me Carlos Sainz që e mbylli në vendin e tetë, duke i paraprirë shokut të skuadrës Alexander Albon. Top-10-shen e mbyll Isack Hadjar, i cili fitoi duelin e brendshëm në Racing Bulls ndaj Liam Lawson.

Lewis Hamilton didn't make it easy for Lando Norris! ?#F1 #SaudiArabianGP pic.twitter.com/qD3toyVMpR

— Formula 1 (@F1) April 20, 2025

Klasifikimi i Çmimit të Madh të Arabisë Saudite në Formula 1 – 2025

Oscar Piastri (McLaren) Max Verstappen (Red Bull Racing) +2.843 Charles Leclerc (Ferrari) +8.104 Lando Norris (McLaren) +9.196 George Russell (Mercedes) +27.236 Kimi Antonelli (Mercedes) +34.688 Lewis Hamilton (Ferrari) +39.073 Carlos Sainz (Williams) +64.630 Alexander Albon (Williams) +66.515 Isack Hadjar (Racing Bulls) +67.091 Fernando Alonso (Aston Martin) +75.917 Liam Lawson (Racing Bulls) +78.451 Oliver Bearman (Haas F1 Team) +79.194 Esteban Ocon (Haas F1 Team) +99.723 Nico Hulkenberg (Kick Sauber) +1 xhiro Lance Stroll (Aston Martin) +1 xhiro Jack Doohan (Alpine) +1 xhiro Gabriel Bortoleto (Kick Sauber) +1 xhiro Yuki Tsunoda (Red Bull Racing) tërhequr Pierre Gasly (Alpine) tërhequr