Një Këpucë e Artë për pesë kandidatë. Kampionati “Abissnet Superiore” ka hyrë në fazën më vendimtare, teksa kanë mbetur edhe dy javë nga përfundimi i kampionatit të rregullt. Gara është tepër e fortë, si për kreun e renditjes, për zonën “Final Four”, ashtu edhe për mbijetesën. Po aq interesante mbetet edhe dueli për golashënuesin më të mirë të sezonit. Balaj ka gjithë kampionatin që kryeson, por në dy ndeshje tre gola mund të shënohen qetësisht dhe froni i tij kërcënohet jo vetëm nga Lushkja, por edhe tre "kryeqytetas".
Lexo më tej:
Laçi shansi i fundit, Tiranës i duhet 1 pikë me Teutën: askush nuk ka siguruar asgjë
Bekim Balaj, sulmuesi i Vllaznisë, kryeson me 15 gola, ndërsa ndiqet nga afër nga Regi Lushkja i Egnatias, me 14 realizime. Duket se gara për “Këpucën e Artë” do të vijojë deri në fund mes këtyre dy emrave, por pas tyre qëndrojnë gjithashtu Peter Itodo i Dinamo City, Ëalid Jarmouni i Tiranës dhe Baton Zabergja, po i Dinamo City, që kanë realizuar nga 12 gola secili.
Pse Balaj është favorit?
Gjithçka mbetet e hapur për titullin e golashënuesit më të mirë të sezonit, në prag të dy javëve të fundit të kampionatit të rregullt dhe fazës “Final Four”. Balaj ka favorin se luan ndeshjen e fundit në shtëpi kundër Laçit të vendit të fundit, që ndoshta mund të jetë rrëzuar matematikisht në javën e fundit.
