Ortiz, goditja me brryl i theu nofullën e i shkuli 3 dhëmbë:vendimi i arbitrit absurd

Danilo Ortiz mbeti i shtrirë në tokë, me tre dhëmbë të humbur dhe nga goja i dilte gjak. Futbollisti dukshëm i trullosur, me fytyrën e përvëluar nga dhimbja, nuk arrinte as të fliste. Nofulla i ishte thyer në disa vende. Ortiz pësoi një dëmtim të rëndë maksilofacial, pasojë direkte e një goditje me bërryl në fytyrë gjatë ndeshjes mes Atlético Cienciano dhe Alianza Universidad de Huánuco (java e 8-të e Torneo Apertura në Ligën 1 të Perusë). Ishte kolumbiani Yorleys Mena ai që e goditi egër me bërryl gjatë një dyluftimi të ashpër. Cila ishte reagimi i arbitrit? I habitshëm për vendimin e marrë: nxori vetëm karton të verdhë, duke injoruar plotësisht rëndësinë e asaj ndërhyrjeje që meritonte të kuq direkt dhe ndëshkim të rëndë me pezullim. Ajo që shtoi më shumë polemikat ishte edhe mungesa e ndërhyrjes nga VAR-i, që mund t’i sugjeronte arbitrit rishikimin e episodit dhe vendimit. Por, asgjë.

Incidenti në pjesën e parë ishte tronditës

Minuta e 21-të e pjesës së parë, rezultati ishte ende 0-0. Mena dhe Ortiz përplasen në një duel ajror për topin, por është mbrojtësi ai që pëson më keq: përplasja është e fortë, ndërsa rënia në tokë e përkeqëson gjendjen. Rreth tij mblidhen menjëherë shokët e skuadrës dhe kundërshtarët, tensioni është maksimal. Italo Gonzalez, arbitri i ndeshjes, i habit të gjithë me një vendim të butë, ndërsa as nga dhoma e VAR-it nuk i sugjerohet ndonjë korrigjim.

?¡DANILO ORTÍZ a CIRUGÍA URGENTE!? ??El delantero colombiano #YorleysMena le propinó un tremendo CODAZO a Danilo Ortíz?? que tendrá una DOBLE CIRUGÍA MAXILAR por FRACTURA y la pérdida de 3 piezas dentales y para colmo ¡FUE SÓLO AMARILLA? habiendo VAR!pic.twitter.com/dhFGMk0dD7

— Santiago Ravidlas (@SantiRavidlasPy) April 16, 2025

Rruga drejt spitalit dhe operacioni për “rindërtimin e fytyrës”

Por “surprizat” nuk mbarojnë këtu. As vetë Ortiz dhe as stafi mjekësor nuk e kuptuan menjëherë se çfarë kishte ndodhur: ish-lojtari i Racing Club, Banfield dhe Godoy Cruz vazhdoi të qëndronte në fushë dhe e përfundoi ndeshjen. Vetëm pas përfundimit të takimit u dërgua me urgjencë në spital. Diagnoza konfirmoi gjendjen e rëndë: kishte frakturë të nofullës në disa pika dhe kishte humbur tre dhëmbë. Për të rikuperuar dëmtimet, mjekët vendosën për një ndërhyrje kirurgjikale rindërtuese. Pas operacionit, pritet të qëndrojë jashtë fushave për disa muaj.

Klubi Cienciano jep informacionin zyrtar për gjendjen

Që gjithçka ka shkuar mirë pas operacionit u konfirmua nga vetë klubi, Cienciano, që publikoi një komunikatë në rrjetet sociale: “Futbollisti Danilo Ortiz ka pësuar një traumë në nofull gjatë ndeshjes ndaj Alianza Universidad de Huánuco, duke shkaktuar frakturë në atë zonë dhe humbjen e tre dhëmbëve. Ai do t’i nënshtrohet një ndërhyrjeje kirurgjikale në orët në vijim. I urojmë shërim të shpejtë. Forca Danilo!”

PARTE MÉDICO ?? pic.twitter.com/G8dnPE6eqV

— Club Cienciano (@Club_Cienciano) April 14, 2025