Prezantimi i Ekitike me shqiponjën e Eintracht nuk shkoi si duhej: video bëhet virale

Hugo Ekitike e ka marrë menjëherë skenën te Eintracht Frankfurt këtë sezon, pasi u transferua nga PSG verën e kaluar te gjermanët. Sulmuesi francez i lindur në vitin 2002 dhe me aftësi të jashtëzakonshme, në këtë rast nuk ka bërë bujë vetëm për statistikat e jashtëzakonshme të arritura deri më tani (21 gola dhe 9 asistime mes kampionatit, Europa League dhe Kupës së Gjermanisë), por për një episod që ndodhi gjatë një ndeshjeje në shtëpi të gjermanëve. Një skenë shumë simpatike që bëri të qeshin shumë tifozë të pranishëm dhe ata që e ndoqën momentin nga televizioni.

Çfarë ndodhi mes lojtarit dhe shqiponjës?

Videoja u bë menjëherë virale dhe tregon Ekitike teksa i afrohet shqiponjës Attila, maskota e klubit. Falkonieri ndodhet në mes të fushës dhe me shumë mundësi në fund të ndeshjes, me pjesën tjetër të skuadrës ende në fushë, Ekitike, i shtyrë nga kureshtja, i afrohet. Mundet që nuk e kishte parë ndonjëherë kaq nga afër këtë zog grabitqar, i cili qëndronte i qetë mbi krahun e njeriut. Sulmuesi afrohet, por është i ndrojtur, megjithëse duket i etur për ta përkëdhelur. Por një lëvizje minimale e Attilës e tremb krejtësisht Ekitike, i cili reagon i frikësuar nga ajo që sapo kishte parë. Në të vërtetë, shqiponja mezi lëviz dhe në një moment bën një rrahje shumë të shkurtër me krahë. Mjaftoi kjo për ta bërë lojtarin francez të bërtasë dhe të largohet menjëherë. Falkonieri e inkurajon të afrohet sërish për ta përkëdhelur atë shqiponjë të mrekullueshme. Por sulmuesi në këtë rast nuk ka më besim dhe, sapo Attila bën një tjetër lëvizje të vogël, ai largohet përfundimisht në drejtim të shokëve të ekipit që ndodheshin aty pranë dhe që po e ndiqnin skenën. Është e qartë që të gjithë, përfshirë edhe vetë të riun francez, shpërthyen në të qeshura nga ajo që ndodhi në atë moment.

エキティケと @eintracht_jp のマスコット『アッティラ』君 😳🦅#ブンデスリーガ pic.twitter.com/CCvXKNh1uM

— ブンデスリーガ 日本語版 (@Bundesliga_JP) April 13, 2025

Shifrat e jashtëzakonshme të Ekitike me Eintracht Frankfurt

Pa dyshim që shokët e skuadrës dhe publiku i Eintracht kanë admiruar deri tani guximin e lojtarit – për fat të mirë për ta – sidomos në fushën e lojës. Ekitike është treguar një lojtar shumë i besueshëm që ka konfirmuar dhe përmirësuar gjithçka të mirë që kishte treguar sezonin e kaluar (me 4 gola dhe 6 asistime për 6 muaj huazim – shën. red.), duke bindur klubin gjerman të investojë te ai. 16.5 milionët euro të shpenzuara tashmë duken një kujtim i largët, pasi për momentin lojtari vlen trefishin e asaj shume, në rast se dikush do të dëshironte ta blinte.