Rezultate të rëndësishme në javën e 34 të Superiores, që është luajtur e gjitha sot. Egnatia mbetet e para pavarësisht humbjes me Partizanin, ashtu si Dinamo mposhtet keq nga Vllaznia në Shkodër, por mban vendin e dytë, ndonëse tani dy skuadrat kanë pikë të barabarta. Për mbijetesë Skënderbeu e Tirana barazojnë në Korçë duke qendruar në ujëra të rrezikshme, ndërsa Teuta zhyt Laçin duke e mundur 1-0 në Niko Dovana. Elbsani i komplikon jetën Bylis me fitoren 1-0, që e mban skuadrën e Gvozdenovic një pikë pas Partizanit.
PARTIZANI 1-0 EGNATIA
Partizani arriti të fitojë ndaj Egnatias me rezultatin 1-0 në “Arena e Demave”. Ky takimi i javës së 34-të të Superiores u vendos nga goli i Kekos, i cili shënoi nga penalltia pas një faulli të shkaktuar ndaj Kotes në pjesën e dytë. Takimi ishte i mbushur me tension, por në fund, triumfi i takoi Partizanit. Skuadra e kuqe mbetet në zonën e Final Four, me 1 pikë më shumë se Elbasani. Egnatia, ndonëse ka kaluar një periudhë të vështirë, vazhdon të qëndrojë në krye të renditjes, me 3 pikë më shumë se Dinamo dhe Vllaznia.
[video width="644" height="360" mp4="https://cdnimpuls.com/lapsi.al/wp-content/uploads/2025/04/67fa7f3652d92.mp4"][/video]
VLLAZNIA 3-0 DINAMO
Vllaznia ka kthyer formën e saj në kampionat, duke mposhtur Dinamon me rezultatin 3-0 në ndeshjen e 34-të të Superiores. Fitorja e parë pas 5 marsit, kur mundën Partizanin, u arrit me 3 gola të shkëlqyer. Qato shënoi golin e parë në fund të pjesës së parë. Në pjesën e dytë, Dodaj dhe Bekim Balaj realizuan të tjerë gola, ky i fundit pas një periudhe të gjatë pa shënuar. Goli i 15 i kapitenit shkodran, që shkëputet në krye të renditjes së golashënuesve nga Lushkja. Me këtë fitore, Vllaznia barazon Dinamon në pikë dhe e kalon atë në renditje, duke u ngjitur në vendin e dytë.
[video width="644" height="360" mp4="https://cdnimpuls.com/lapsi.al/wp-content/uploads/2025/04/67fa7204f316c.mp4"][/video]
[video width="640" height="360" mp4="https://cdnimpuls.com/lapsi.al/wp-content/uploads/2025/04/67fa7e44c2a5a.mp4"][/video]
[video width="644" height="360" mp4="https://cdnimpuls.com/lapsi.al/wp-content/uploads/2025/04/67fa837838773.mp4"][/video]
ELBASANI 1-0 BYLIS
Elbasani ka mundur Bylis 1-0, falë një goli të shënuar nga Kristi Qosa, duke marrë tri pikë të rëndësishme në luftën për Final Four. Pas një ndeshjeje të vështirë, ku Bylis u mundua të bëjë kundërsulme, verdheblutë siguroi fitoren dhe vazhdon të ndjekë Partizanin për një vend në katër të parët. Nga ana tjetër, Bylis mbetet në rrezik për mbijetesë, pasi e gjen veten në pjesën e poshtme të tabelës, duke u përballur me një sfidë të madhe deri në fund të kampionatit.
[video width="704" height="360" mp4="https://cdnimpuls.com/lapsi.al/wp-content/uploads/2025/04/67fa727aaea18.mp4"][/video]
SKËNDERBEU 1-1 TIRANA
Skënderbeu dhe Tirana kanë përfunduar në barazim 1-1 në sfidën e javës së 34-rt të Superiores, një ndeshje që u zhvillua në Korçë. Pjesa e parë ishte e dominuar nga vendasit, por portieri i Tiranës, Gentian Selmani, shpëtoi skuadrën me disa pritje të rëndësishme. Megjithatë, në minutën e 36', Nasr shënoi pas një gabimi të Edison Kolës. Pjesa e dytë ishte më e qetë, dhe goli i barazimit erdhi në minutën e 53' nga Akileu Ndreca pas një goditjeje dënimi. Një rezultat që mban të dy skuadrat në pozita delikate, shumë më tepër atë të Shkëmbit, që sidoqoftë ka marrë rezultatin e dytë pozitiv radhazi.
[video width="658" height="360" mp4="https://cdnimpuls.com/lapsi.al/wp-content/uploads/2025/04/67fa73efa5f78.mp4"][/video]
[video width="644" height="360" mp4="https://cdnimpuls.com/lapsi.al/wp-content/uploads/2025/04/67fa7b80e4418.mp4"][/video]
TEUTA 1-0 LAÇI
Teuta ka mundur Laçin 1-0 në një ndeshje vendimtare për mbijetesë. Pasi një takim i barabartë, Teuta fitoi me një penallti të diskutueshme, e cila u realizua nga Lloci, duke i siguruar tre pikë të rëndësishme për të mbajtur shpresat për mbijetesë. Një vendim që u kontestua shumë nga kurbinasit, që vazhdojnë vazhdojnë serinë negative të rezultateve. Me këtë fitore, Teuta është larguar më shumë nga zona e rrezikut, ndërsa Laçi, pas kësaj humbje, ka shumë pak mundësi për të mbijetuar.
Lexo më tej: Tirana fiton derbin dhe shpresën: Jarmouni e Ernest i rrezikojnë Final 4 Partizanit
Kategoria Superiore
AF Elbasani 1-0 KF Bylis
Partizani 1-0 KF Egnatia
Skenderbeu 1-1 KF Tirana
Teuta Durres 1-0 Laci
Vllaznia 3-0 FC Dinamo City
