? TRAGEDIA EN COLO COLO - FORTALEZA
En la previa al encuentro, dos personas fallecieron cuando quisieron ingresar el estadio. Cuando promediaba el segundo tiempo, simpatizantes del equipo trasandino rompieron el acrílico y se metieron al campo. Los conducidos por Vojvoda se… pic.twitter.com/f4vDYikotH — TyC Sports (@TyCSports) April 11, 2025
Dy tifozë kilianë të vdekur para Colo Colo-Fortaleza
Gjithçka nisi para ndeshjes, me incidente që përfshinë tifozët vendas, të cilët në dhjetëra tentuan të hynin pa biletë në “Estadio Monumental David Arellano” të Santiagos, duke sulmuar dy hyrje të stadiumit. Nga kjo situatë u krijua një turmë që çoi në shembjen e rrethimeve të sigurisë. Në mes të kaosit ndërhyri policia, Carabineros, e specializuar për kontrollin e rendit publik. Gjatë përplasjes, një vajzë 18-vjeçare dhe një djalë 13-vjeçar mbetën të shtypur nga turma. Të dy humbën jetën, njëri në vendngjarje dhe tjetri pas transportimit në një qendër mjekësore pranë stadiumit. Disa tifozë të tjerë mbetën të plagosur dhe disa u arrestuan.? A las afueras del Estadio Monumental David Arellano se registraron incidentes entre hinchas de Colo Colo y la policía.
? Tw/ArielHerre5187 pic.twitter.com/cMr6HLgPL9 — TyC Sports (@TyCSports) April 11, 2025
Ultrasit pushtojnë fushën pas: ndeshja u anulua
Pavarësisht incidenteve, ndeshja filloi normalisht, por kur në tribuna u përhap lajmi për vdekjen e dy tifozëve të Colo Colo, situata shpërtheu. Kur kishin mbetur edhe pak më shumë se 15 minuta nga fundi dhe rezultati ishte 0-0, ultrasit e Colo Colo pushtuan fushën duke hyrë nga pas njërës prej portave. Përballë dhunës së shpërthyer dhe shqetësimit të lojtarëve, arbitri Tejera vendosi të ndërpriste ndeshjen, ndërsa CONMEBOL konfirmoi më pas anulimin përfundimtar. Skuadra kiliane tani rrezikon sanksione të rënda. Prokuroria ka hapur një hetim për të sqaruar rrethanat e ngjarjes që çuan në dy viktima. Prokurori Francisco Mores deklaroi se janë duke u analizuar pamjet filmike të kamerave të sigurisë dhe dëshmitë e policëve të pranishëm. Ai gjithashtu konfirmoi se nuk përjashtohet përfshirja e një automjeti policie në incidentin që shkaktoi vdekjen e viktimave: “Po punojmë me të gjitha burimet teknike dhe dokumentacionin e disponueshëm për të përcaktuar përgjegjësitë. Nuk kemi përjashtuar asnjë pistë, përfshirë mungesat në masat e sigurisë dhe një ndërhyrje të mundshme të tepruar nga policia”.Mendel Bydlowski, periodista de ESPN Brasil, mostró en vivo una de las barras de hierro arrojadas al campo de juego durante el partido entre Colo-Colo y Fortaleza ?⚠️ pic.twitter.com/A2txZ6RgB2
— Out of Context Libertadores (@OC_Libertadores) April 11, 2025
Motra e një prej viktimave akuzon policinë: “Na shkatërruan familjen”
Motra e një prej viktimave tregoi atë që kishte ndodhur, duke fajësuar policinë: “Do ta çoj deri në fund këtë çështje. Do të bëj padi dhe kam nevojë për ndihmë ligjore. Kjo është një familje e shkatërruar plotësisht, dhe këtu përfshihem edhe unë. Nëna ime është e shkatërruar dhe nuk e di si do të vazhdojmë kështu. Ju lutem, më ndihmoni”.Nga ana e saj, CONMEBOL ka lëshuar një deklaratë ku shpreh “keqardhje të thellë” për vdekjen e dy tifozëve të ndodhur pranë “Estadio Monumental” para fillimit të ndeshjes mes Colo Colo dhe Fortaleza, për Copa Libertadores: “Shprehim ngushëllimet tona më të sinqerta për familjet dhe të afërmit e tyre. Jemi pranë tyre në këto momente të vështira”. Fortaleza, nga ana tjetër, ka siguruar familjet e atyre që ishin të pranishëm në stadium, duke deklaruar se “të gjithë lojtarët, drejtuesit, anëtarët e stafit dhe delegacionit janë të sigurt dhe mirë pas pushtimit të fushës”.La CONMEBOL lamenta profundamente el fallecimiento de dos hinchas en las inmediaciones del Estadio Monumental antes del inicio del partido entre Colo Colo y Fortaleza Esporte Clube.
Expresamos nuestras más sinceras condolencias a sus familias y seres queridos. Acompañamos en… — CONMEBOL.com (@CONMEBOL) April 11, 2025
