Të paktën 6 persona kanë humbur jetën pasi një helikopter që transportonte një familje turistësh shpërtheu në ajër dhe u rrëzua në lumin Hudson pranë qytetit të Nju Jorkut në SHBA.
Video të frikshme tregojnë helikopterin Bell 206 me kokë poshtë dhe flluskon nën sipërfaqen e ujit pas rrëzimit. Pasagjerët përbëheshin nga 5 udhëtarë nga Spanja dhe piloti. 2 nga turistët ishin të rritur dhe 3 fëmijë.
Numri i përgjithshëm i viktimave nuk është konfirmuar, por një zyrtar i tha Associated Press se 6 ishin të vdekur. Shkaku i rrëzimit nuk është konfirmuar, por video të dëshmitarëve okularë tregoi se helikopteri u copëtua në ajër përpara se të binte në ujërat e lumit.
Ekipet e zjarrfikësve morën fillimisht raporte për përplasjen në orën 15:17 dhe nxituan në vend për të kërkuar të mbijetuar në tokë dhe në ujë. Pamjet e marra nga bregu treguan pjesën e poshtme të helikopterit që del pjesërisht nga uji ndërsa varkat e Departamentit të Policisë së Nju Jorkut po shkonin drejt mbetjeve.
Një dëshmitar i tronditur tha se kishte dëgjuar një "shpërthim" të fortë përpara se të kthehej dhe të shikonte tragjedinë. "Unë pashë një helikopter që binte anash dhe që u përplas në ujë. Nuk pashë njeri të dilte" – tha ai.
Një tjetër dëshmitare, Sara Jean Raymond, tha se ishte duke u stërvitur kur pa incidentin.
"Isha në shok. U përpoqa të telefonoja 911, por nuk arrita të kontaktoja askënd. Ata ishin shumë të shpejtë për të ardhur këtu. Nuk e di se çfarë ndodhi, nëse njerëzit mbijetuan apo diçka tjetër"
Të dhënat e fluturimit tregojnë se helikopteri u ngrit nga një heliport i Manhatanit të Poshtëm dhe më pas qarkulloi rreth ishullit të Guvernatorit për një pamje të Statujës së Lirisë. Më pas, helikopteri udhëtoi pranë Manhatanit.
Ky është një shteg turistik shumë i frekuentuar që ka dhjetëra udhëtime në ditë. Të paktën 32 persona kanë vdekur në përplasjet e helikopterëve në Nju Jork që nga viti 1977. Përplasja më e fundit ishte në vitin 2019, kur një helikopter i përdorur për udhëtime ekzekutive goditi çatinë e një rrokaqiell në Manhatan dhe piloti vdiq. ©LAPSI.al
