Onana injorohet nga Matic: “Portieri më i keq në historinë e United, kujdes kur flet”

Sfida e vlefshme për ndeshjen e parë të çerekfinaleve të Europa League mes Lyon dhe Manchester United ka filluar tashmë të ndizet. Në fushë, skuadra e teknikut Paulo Fonseca do të përballet me atë të Ruben Amorim, aktualisht e ndalur në vendin e trembëdhjetë në Premier League. Jashtë fushës, deklaratat në distancë të Nemanja Matic dhe ato të André Onana kanë bërë që klima rreth ndeshjes të bëhet absolutisht e zjarrtë. Të parin që ndezi shkëndijën ishte pikërisht portieri i United, ish-lojtari i Inter, i cili në konferencë për shtyp, duke folur për kundërshtarët, u shpreh pa filtra: “Duhet të shkojmë atje dhe të tregojmë kush jemi. Nëse qëndrojmë të përqendruar, kompaktë dhe të bashkuar dhe ndjekim strategjinë e lojës, do ta fitojmë ndeshjen. Sigurisht, nuk do të jetë e lehtë, por mendoj se jemi shumë më të fortë se ata”. Fjalë që e zemëruan Matic, i cili pak më vonë, duke u paraqitur në sallën e shtypit, iu përgjigj një gazetari që e pyeti se cili ishte mendimi i tij pas këtyre deklaratave. Ish-lojtari i Romës sigurisht që nuk u përmbajt: “Për të thënë një gjë të tillë, duhet guxim. I respektoj të gjithë, por duhet të përgjigjem. Kur je një nga portierët më të këqij në historinë e Manchester United”.

Lexo më tej: Europa League nën pushtetin e borës: Uefa vendosi, Bodo/Glimt-Lazio do të luhet

Mesfushori i Lyon shpërthen tërësisht: “Duhet të bësh kujdes me ato që thua – vazhdon Matic –. Nëse David de Gea, Peter Schmeichel ose Van der Sar do të kishin thënë një gjë të tillë, do të reflektoja. Por nëse nga ana statistikore je një nga portierët më të këqij në historinë moderne të Manchester United, atëherë duhet ta tregosh në fushë, para se ta thuash. Do të shohim”. Fjalë të forta që në mënyrë të pashmangshme i kthejnë reflektorët mbi këtë ndeshje që parashikohet tashmë si një nga më të rëndësishmet për t’u ndjekur në natën e Europa League, e gatshme të dhurojë emocione të reja.

Matic on Andre Onana's statement: “When you're one of the worst goalkeepers in Man Utd's history, you act before you speak.” #mufc #lyon pic.twitter.com/WjlTarOXAR

— LevelUTD (@B_anyymufc) April 9, 2025

Onana replikon me Matic në rrjetet sociale

Onana, megjithatë, nuk qëndroi në heshtje dhe në rrjetet sociale u përgjigj menjëherë kur pa replikën e Matic: “Nuk do të mungoja kurrë në respekt ndaj një tjetër klubi – theksoi përmes një tweet-i në llogarinë e tij zyrtare –. E dimë që nesër do të jetë një ndeshje e vështirë kundër një kundërshtari të fortë. Po përqendrohemi në përgatitjen e një performance që do t’i bëjë krenarë tifozët tanë”. Dhe e mbylli me një batutë thumbuese, ndoshta drejtuar pikërisht vetë Matic: “Të paktën unë kam ngritur trofe me klubin më të rëndësishëm në botë. Disa të tjerë nuk mund të thonë të njëjtën gjë”.

I would never be disrespectful to another club. We know that tomorrow will be a difficult game against a strong opponent. We focus on preparing a performance to make our fans proud. At least I’ve lifted trophies with the greatest club in the world. Some can’t say the same. pic.twitter.com/3easLRIz3d

— Andre Onana (@AndreyOnana) April 9, 2025