Lapsi Video

Aplikacioni

Android iOS
Flash

Reagimi i Mbappé pas dy golave të Declan Rice: fotografia perfekte e mbrëmjes së Real

Lapsi.al 9 April 2025
Reagimi i Mbappé pas dy golave të Declan Rice: fotografia perfekte e
Real Madrid ishte i tjetërsuar në mbrëmjen e fundit të Champions League: Arsenal, në “Emirates”, zhvilloi ndeshjen perfekte, duke fituar me rezultatin 3-0 falë edhe dy perlave të Declan Rice nga goditjet e dënimit. Dy ekzekutime perfekte, me të dytin që kandidon të jetë një nga golat më të bukur të gjithë kompeticionit, për mënyrën spektakolare të goditjes dhe saktësinë që dërgoi topin direkt në trekëndësh. Një gol për t’u parë pafund, që habiti edhe Kylian Mbappé, i ngrirë në mes të fushës përballë furisë së skuadrës angleze. Ishte e pamundur të ndaloje dy golat e mesfushorit anglez dhe kamerat kapën yllin francez në momentin perfekt. Ndërsa Rice festonte me tifozët e Arsenal, Mbappé qëndronte i palëvizur me duart në ije, duke reaguar me një shprehje të fytyrës që tha gjithçka: atij i mjaftoi një grimcë habie për të përmbledhur perfekt atë moment të shokut dhe mosbesimit, pasi kishte parë një goditje dënimi të mrekullueshme.

Mbappé, i pafjalë përballë magjisë së Rice

Në harkun e 12 minutave, ndeshja e Real Madrid u përmbys totalisht, duke dhuruar një mbrëmje të papritur. Askush nuk e kishte menduar një kolaps të tillë nga kampionët në fuqi, të cilët në Londër përjetuan një makth dhe tani do të përballen me një mision të pamundur në ndeshjen e kthimit në “Bernabeu”, stadiumin ku edhe gjërat më të pamundura mund të ndodhin. Por Arsenal do të mbajë mend gjithmonë këtë fitore madhështore 3-0, edhe falë dy goditjeve dënimi të Declan Rice që magjepsën të gjithë. Madje edhe Mbappé mbeti pa fjalë pas goditjes së dytë, më e bukura e mbrëmjes: ekzekutimi i mesfushorit anglez ishte perfekt dhe pas shpinës së tij, sulmuesi i Real Madrid nuk i përmbajti dot emocionet, duke shfaqur një reagim të natyrshëm habie dhe tronditjeje, si për bukurinë e golit, ashtu edhe për rezultatin që po i shkonte totalisht kundër. Imazhi i fytyrës së tij bëri xhiron e rrjetit dhe përmbledh më së miri mbrëmjen e një Real Madrid, në një nga paraqitjet më të dobëta të sezonit.

Të këshilluara

ide

Rënia e Vlorës në shtratin e krimit

Vlora nuk është as dardhë e as pjeshkë që dikush e ha pas shpinës së kryeminstrit. Ajo është ilustrimi më eklatant se si vetë Edi Rama i ka vënë institucionet e vendit në shërbim të pushtetit të tij, që në thelb është pushteti i krimit

14:48 Armand Shkullaku

Haga, si përfundim i një epoke të gjatë yes man-izmi

Nga drama e 16 shtatorit, që po rekemi ta konsumojmë si popujt primitivë me lotë, mallkime, ofshama dhe qurravitje duhet të dimë të nxjerrim një mësim: Këtej e tutje askush nuk do të na rrespektojë, po nuk ditëm të respektojmë vetveten. Sepse verdikti i asaj gjykate të instrumentalizuar erdhi si pasojë e servilizmit tonë të verbër ndaj perëndimit

16:25 Andi Bushati

MOTI TIRANA

23°c

KËMBIMI EURO

91.46

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI