Çastet e fundit të jetës së ish-futbollistit Jorge Bolano: “Po kërcente dhe u rrëzua”

Një tragjedi e tmerrshme, e bërë edhe më e vështirë për t’u pranuar nga mungesa absolute e simptomave apo shenjave që mund të linin të kuptohej se zemra mund ta tradhtonte papritur Jorge Bolano, i cili vdiq të dielën në moshën 47-vjeçare nga një infarkt i befasishëm. Rrethanat e fundit të jetës së ish-futbollistit kolumbian, që kishte luajtur për 10 vite në Itali, e shtojnë edhe më shumë dhimbjen për familjarët dhe të dashurit e ish-futbollistit Bolano, të cilët ishin me të gjatë një feste private plot me fëmijë dhe gëzim, ku pikërisht Jorge ishte një nga protagonistët kryesorë. Një video tregon qartë paqen dhe gëzimin e atyre momenteve, pak para se ish-mesfushori i kombëtares të “rrëzohej në tokë teksa po kërcente”.

Çastet e fundit të jetës së Jorge Bolano

Sipas dëshmive të të pranishmëve, ish-lojtari po kërçente dhe po argëtohej në një atmosferë feste, kur papritur u rrëzua në tokë. Pavarësisht se u transportua në spital dhe u provuan manovrat e reanimimit, nuk ishte e mundur që t’i shpëtohej jeta. Një i afërm që ndodhej në festën që zhvillohej në qytetin Cucuta, aty ku Bolano kishte vendosur të jetonte pasi kishte mbyllur karrierën profesionale me ekipin vendas, tregoi çfarë ndodhi: “Askush nuk e priste këtë, ishte krejtësisht i shëndetshëm, nuk ishte ankuar kurrë për ndonjë simptomë që mund të tregonte ndonjë sëmundje të zemrës apo diçka të ngjashme”.

Un video muestra al ex jugador del Junior de Barranquilla, Jorge Bolaño, en una fiesta familiar celebrando y cantando. Ese festejo muestra al astro del fútbol minutos antes de su fallecimiento. pic.twitter.com/ujCdSnSIpC

— CTV Barranquilla (@ctvbarranquilla) April 7, 2025

Dëshmia e një të afërmi

Bolano po shijonte festën me familjen dhe të dashurit e tij, ishte një njeri me një jetë të pastër dhe të qetë: “Ishte me familjen e tij, si gjithmonë, i lumtur. Ishte qendra e çdo feste, qeshte, kërçente, argëtohej. Papritur u rrëzua dhe ndodhi ajo që tashmë të gjithë e dimë”. Fillimisht të pranishmit menduan se ishte ndjerë keq për shkak të diçkaje që kishte ngrënë, por sapo kuptuan se situata ishte shumë e rëndë, provuan ta reanimonin në vend, më pas e çuan në një qendër mjekësore aty pranë, por nuk mundi askush ta shpëtonte: “Provuan të gjitha manovrat e nevojshme të reanimimit, e çuam në një spital në qytet, por ishte tashmë i vdekur, nuk kishte shumë gjëra që mund të bëheshin”. Siç u konfirmua zyrtarisht, shkaku i vdekjes ishte “një arrest kardiak i papritur”.

Esta fotografía fue hoy 6 de abril de 2025 en Cúcuta a las 11:00 a. m. Aproximadamente, en la Parroquia Santa Ana con el sacerdote Alonso Leal. Horas después nos enterábamos que el gran Jorge Bolaños había fallecido. Señor jugador y una gran persona. pic.twitter.com/vQ0sNqhsHn

— Ricardo Gutiérrez (@Ricardo__Guti) April 7, 2025

Disa orë më parë, në mëngjesin e ditës kur vdiq, ish-lojtari i Parmës (me të cilën fitoi Kupën e Italisë dhe Superkupën) kishte shkuar në famullinë Santa Ana në Cucuta dhe kishte bërë një foto me një prift. Një imazh që më pas u përhap në rrjetet sociale: në buzëqeshjen e mirë të Jorge-s, i përshkruar nga të gjithë si një njeri i mirë që jepte gjithmonë për të tjerët, lexohej gëzimi për jetën dhe dashuria për njerëzit. Nuk mund ta dinte se çfarë fati e priste pas pak, teksa ishte pranë njerëzve më të rëndësishëm të jetës së tij.