Lapsi Video

Aplikacioni

Android iOS
Flash

PSG kampion i Francës 6 javë nga fundi: titull matematik, vendi i dytë as "nuk duket"

Lapsi.al 6 April 2025
PSG kampion i Francës 6 javë nga fundi: titull matematik, vendi i
PSG është shpallur kampion i Francës për herë të 13-të në historinë e tij. Është titulli i katërt radhazi në kampionat për parisienët, të cilët e fitojnë kampionatin pa asnjë rival, me lehtësi absolute. Vendimtare ishte fitorja minimale ndaj Angers falë golit të Doué, që i ka lejuar skuadrës së Luis Enrique të festojë matematikisht trofeun. Me edhe 6 javë të mbetura për t’u luajtur, kampionati i zhvilluar nga PSG ka qenë të paktën spektakolar, praktikisht pa asnjë rival. Këtë e tregojnë shifrat dhe diferenca e krijuar ndaj Monacos që është e dyta në renditje. Aktualisht diferenca ndaj skuadrës së Principatës është 24 pikë, që mund të bëhen 21 në rast të një fitoreje sot ndaj Brestit. Por gjithsesi mbetet diferenca e jashtëzakonshme e krijuar nga skuadra e teknikut spanjoll, i cili, pavarësisht largimeve të shumta të kampionëve të mëdhenj, ka arritur të ndërtojë një grup perfekt. Plot 23 fitore dhe 5 barazime në 28 javë. Një tjetër titull edhe për Gigio Donnarumma, që feston bashkë me shumë ish-lojtarë të Serie A si Kvaratskhelia, Hakimi, por edhe Marquinhos, Fabian Ruiz dhe vetë Luis Enrique, ish-trajner i Romës. Një ndeshje, ajo e PSG kundër Angers, që nisi me një homazh të mrekullueshëm nga tifozët e tribunës pariziene, të cilët vendosën një banderolë gjigante për të nderuar Diego De Vivo, futbollistin e ri dhe tifozin e Napolit që ndërroi jetë disa ditë më parë. Pas vërshëllimës së trefishtë, PSG, tashmë e vetëdijshme se me minimum përpjekje mund të arrinte rezultatin maksimal, e menaxhoi ndeshjen pa shumë rreziqe, duke gjetur golin vendimtar dhe duke futur në xhep tre pikët që vulosën matematikisht titullin. Një injeksion i rëndësishëm besimi për francezët në prag të çerekfinaleve të Champions League.

PSG do të përballet në Champions me Aston Villa

Champions League mbetet objektivi tjetër i madh për parizienët, të cilët, pavarësisht shumë kampionëve që kanë pasur ndër vite, nuk kanë arritur kurrë ta fitojnë këtë trofe. Më 9 prill, skuadra e Luis Enrique do të ketë mundësinë të përballet me Aston Villa dhe të tentojë të hedhë një hap të madh drejt kualifikimit në gjysmëfinale. Fitorja ndaj Liverpool, i cili është gati të festojë titullin në Premier League, ka rikthyer entuziazmin në ambientin parisien, i gatshëm tani jo vetëm të festojë titullin në Francë, por të synojë edhe majën e futbollit europian.

Të këshilluara

ide

Rënia e Vlorës në shtratin e krimit

Vlora nuk është as dardhë e as pjeshkë që dikush e ha pas shpinës së kryeminstrit. Ajo është ilustrimi më eklatant se si vetë Edi Rama i ka vënë institucionet e vendit në shërbim të pushtetit të tij, që në thelb është pushteti i krimit

14:48 Armand Shkullaku

Haga, si përfundim i një epoke të gjatë yes man-izmi

Nga drama e 16 shtatorit, që po rekemi ta konsumojmë si popujt primitivë me lotë, mallkime, ofshama dhe qurravitje duhet të dimë të nxjerrim një mësim: Këtej e tutje askush nuk do të na rrespektojë, po nuk ditëm të respektojmë vetveten. Sepse verdikti i asaj gjykate të instrumentalizuar erdhi si pasojë e servilizmit tonë të verbër ndaj perëndimit

16:25 Andi Bushati

MOTI TIRANA

19°c

KËMBIMI EURO

91.46

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI