Një aksident i rëndë ka ndodhur mbrëmjen e djeshme në aksin rrugor Milot-Morinë. Policia bën me dije se një makinë ka dalë nga rruga dhe si pasojë ka ndërruar jetë shoferi, 50 vjeç dhe pasagjeri, 35-vjeç.
“Rreth orës 23:35, të datës 01.04.2025, në autostradën Milot-Morinë, automjeti tip “Benz” ”, i drejtuar nga shtetasi A.K., 50 vjeç, banues në Tiranë, ka dalë nga rruga.
Si pasojë ka humbur jetën drejtuesi i automjetit si dhe pasagjeri që ndodhej në automjet, shtetasi F.Gj., 35 vjeç, banues në Kukës. Grupi hetimor po punon për zbardhjen e plotë të rrethanave të aksidentit fatal”, thuhet në njoftimin e policisë.
