22-vjeçarja shqiptare Ilaria Sula, e cila ishte raportuar e zhdukur prej 25 marsit në Romë, është gjetur e vdekur në një zonë të pyllëzuar në Poli. Trupi i saj ishte futur në një valixhe, raporton Corriere della Sera.
E reja kishte pasur një lidhje me një shtetas filipinas, i cili është identfikuar dhe arrestuar. Hetimi mori një kthesë dramatike mbrëmë kur hetuesit e policisë mbërritën në banesën e filipinasit, ku policia mjeko-ligjore kreu një inspektim. 22-vjeçarja dyshohet se u godit me thikë brenda një apartamenti në Romë nga i dashuri i saj filipinas. Raportohet se viktima ka shkëmbyer shumë mesazhe me shtetasin filipins mbrëmjen kur u zhdukur. Ky fundit u dërgua në komisariat për t’u marrë në pyetje dhe pritet të arrestohet. Sula studionte statistika në Universitetin Sapienza.
Në mbrëmjen e zhdukjes së saj, Ilaria me sa duket ishte larguar nga shtëpia me nxitim për të takuar dikë. Prindërit e saj, të cilët jetojnë në Terni, raportuan se ajo nuk kishte marrë asgjë me vete, por se celulari i saj punonte dhe se dikush i ishte përgjigjur mesazheve të saj.
