Plas sherri në derbin Betis-Sevilla pa nisur ndeshja: shkak bëhet një kapës topash

Tensioni ishte i madh në prag të derbit të Seviljes mes Real Betis Balompié dhe Sevilla, por pavarësisht thirrjeve të presidentëve të të dyja klubeve gjatë javës, situata doli jashtë kontrollit gjatë nxehjes: një përleshje përfshiu anëtarët e dy delegacioneve dhe ndezi menjëherë gjakrat në Benito Villamarín. Ende pa nisur ndeshja, përplasja e parë kishte ndodhur tashmë: teksa Sevilla po përfundonte nxehjen dhe lojtarët e teknikut Garcia Pimenta ishin mbledhur në rreth, një sherr shpërtheu mes një fëmije që kapte topat për Betis dhe një anëtari të stafit teknik të ekipit mysafir.

¡IMAGEN DAZN! ? Tensión entre miembros del cuerpo técnico del Sevilla con recogepelotas del Betis antes de empezar el derbi ?#LALIGAenDAZN ⚽ pic.twitter.com/1yvCv676Je

— DAZN Fútbol (@DAZNFutbol) March 30, 2025

Rrahje mes një anëtari të stafit të Sevilla dhe një kapësi topash të Betis

Derbi i Seviljes nisi menjëherë me tension të lartë: ndërsa të dyja skuadrat ndodheshin në fushën e Benito Villamarín për nxehje, një përleshje shpërtheu mes një anëtari të stafit teknik të Sevilla dhe një kapësi topash të Betis. Platforma DAZN raportoi për atë që ndodhi në fushë dhe më pas publikoi pamjet në rrjetet sociale, ku shihej trajneri i portierëve të Sevilla duke shtyrë një kapës topash të Betis. Menjëherë ndërhynë të tjerë kapës topash për ta mbrojtur, dhe gjithashtu u afrua Loic Badé, lojtar i Sevilla, për të ulur tensionin. Duke parë se çfarë po ndodhte në zonën kundërshtare, Chimy Ávila u afrua për të mbrojtur djelmoshat që kapnin topat. Në vendngjarje erdhi edhe Aitor Ruibal, e pak më vonë edhe Curro Picchi, një nga punonjësit më të vjetër të Betis, i cili u përpoq të qetësonte situatën pa e përshkallëzuar më tej. Fatmirësisht, gjithçka u kthye në normalitet pa ndonjë problem të madh, por tensioni fillestar kishte shkaktuar shqetësim të madh.

‼️⚠️LÍO durante el calentamiento del @RealBetis - @SevillaFC entre un recogepelotas y un utillero del club hispalense. ?Empieza MUY CALIENTE el derbi. pic.twitter.com/pLY3ABnrgM

— Libre y Directo (@LibreDirectoSEV) March 30, 2025

Real Betis fiton 2-1 derbin ndaj Sevilla

Betis mposhti Sevilla 2-1 në derbi: miqtë kaluan në avantazh me Vargas, por skuadra e drejtuar nga Pellegrini përmbysi gjithçka me golat e Johnny Cardoso dhe Cucho Hernandez. Tani “Béticos” ndodhen në vendin e gjashtë në renditje me 47 pikë, po aq sa Villarreal, dhe janë -6 pikë larg Athletic Club, që mban vendin e katërt.