Donald Trump ka sugjeruar mundësinë e një mandati të tretë presidencial, pavarësisht se Kushtetuta e SHBA-së e ndalon një gjë të tillë. Në një intervistë për NBC, Trump u shfaq i sigurt se ka mënyra për të kaluar mbi kufizimet e Kushtetutës, ndërsa theksoi se “nuk po tallej” dhe se kishte plane të mundshme për realizimin e këtij qëllimi.
Ndër skenarët që ai përmendi ishte ai ku J. D. Vance, një tjetër figurë politike, mund të kandidojë për president, ndërsa Trump të bëhet nënkryetar dhe më pas të bëjnë një shkëmbim të posteve, duke e mundësuar kështu një mandat të tretë për të. Ai gjithashtu sugjeroi se mund të kishte edhe mundësi të tjera që mund të përdoren për të anashkaluar kufizimin kushtetues.
Amendimi i 22-të i Kushtetutës, i cili vendos kufizimin e dy mandateve për presidentët, do të ishte i vështirë për t’u ndryshuar, pasi kërkon mbështetje të gjerë nga Kongresi dhe shtetet. Ky amendim u miratua në vitin 1947 dhe hyri në fuqi më 1951.
Trump, duke iu referuar mbështetjes që ka nga shumë njerëz, tha se shumë prej tyre po i kërkonin të mbetej në detyrë për një mandat të tretë. “Shumë njerëz po më kërkojnë ta bëj,” tha ai, duke shtuar se momentalisht është i fokusuar te mandati i tij aktual dhe se nuk është ende në fazën e fundit të mandatit të tij.
Kur iu pyet nëse dëshironte një mandat të tretë, Trump u përgjigj: “Më pëlqen të punoj,” duke sugjeruar se nuk po bëri shaka dhe ishte i serioz për mundësitë që mund të përdorte për të ndryshuar realitetin kushtetues.
