Gjykata e Parisit e ka shpallur fajtore udhëheqësen e së djathtës ekstreme në Francë, Marine Le Pen dhe tetë eurodeputetë për përvetësim të fondeve të BE-së. Le Pen dhe 24 zyrtarë të tjerë nga partia e saj u akuzuan për përvetësimin e më shumë se 3 milionë eurove të fondeve të Parlamentit Evropian. Fondet u përdorën për të paguar stafin me bazë në Francë midis 2004 dhe 2016. Të pandehurit i kanë mohuar akuzat, duke pretenduar se paratë ishin përdorur në mënyrë legjitime.
Gjyqi nëntë-javor u zhvillua në fund të vitit të kaluar. Prokurorët kërkuan që Le Pen të përballet me një ndalim të menjëhershëm 5-vjeçar nga postet publike nëse shpallet fajtore. Liderja e ekstremit të djathtë ka akuzuar prokurorët se po kërkojnë “vdekjen e saj politike”. Le Pen ka thënë se prokurorët kërkojnë të privojnë votuesti francezë nga mundësia pëër të votuar kë kandidat të duan. 56-vjeçarja ka kandiduar 3 herë për presidente. Ajo ka thënë se viti 2027 do të ishte hera e saj e fundit që do të garonte.
