Provokimi i Kean ndaj Gjimshitit
Por Kean nuk e tregoi forcën e tij vetëm me golin e fitores, të cilin e realizoi pasi i rrëmbeu topin Hienit në mesfushë dhe përparoi drejt portës kundërshtare, duke mposhtur me qetësi Carnesecchin me një goditje diagonale të saktë. Ashtu si në disa raste të tjera gjatë këtij sezoni, sulmuesi i Fiorentinës dominoi plotësisht mbrojtësit kundërshtarë, jo vetëm në aspektin fizik dhe teknik, por mbi të gjitha në atë psikologjik, duke i lejuar vetes edhe ndonjë provokim ndaj tyre. Një moment që nuk kaloi pa u vënë re ishte ai kur, pasi fitoi një duel fizik me mbrojtësin shqiptar Berat Gjimshiti, Kean u ndal përpara tij dhe bëri një gjest “flexing”, duke treguar muskujt në shenjë sfide. Djimsiti u përpoq ta qortonte, por në momentin kur Kean shpërtheu në të qeshura, mbrojtësi i Atalantës vendosi të mos e vazhdonte debatin.Vetë Kean, gjatë intervistës pas ndeshjes për DAZN, ku u shpall lojtari më i mirë i takimit, shpjegoi arsyen e këtij gjesti që u duk si provokim ndaj Djimsitit: “Për mua është si kur luajmë futboll në lagje. Kur fiton, bën kështu. Unë kënaqem, e rëndësishme është të argëtohesh në mënyrën e duhur,” tha ai, duke treguar se veprimi i tij kishte natyrë argëtuese. Mbetet për t’u parë nëse Gjimshiti e pa njësoj.MULTA PER ECCESSO DI AURA.#FiorentinaAtalanta #Kean pic.twitter.com/4YDseLypCZ
— Tuttocalcio&sport (@TuttocalcioS) March 30, 2025
