3 shqiptarë janë arrestuar nga Garda Civile e Spanjës ndërsa ka nisur hetimi për një tjetër gjatë një operacioni të madh kundër kultivimit të marijuanës në ambiente të mbyllura në provincë. Sipas mediave të huaja në total, 3880 bimë marijuanë, me peshë 330 kilogramë u sekuestruan në dy laboratorë të vendosur në një zonë banimi në Maello.
Bëhet me dije se Garda Civile po vijon hetimet për të përcaktuar shkallën e plotë të aktivitetit kriminal dhe përfshirjen e mundshme të një organizate shqiptare të trafikut të drogës. Ky hetim buron nga hetimet e mëparshme që i shtynë anëtarët e kësaj force të dyshonin se brenda dy banesave në një zonë banimi të këtij qyteti mund të kryheshin aktivitete të paligjshme lidhur me lëndët narkotike. Për këtë arsye, në zonë u vendosën pajisje vëzhgimi për verifikimin e dyshimeve të sipërpërmendura.
