Një automjet i drejtuar nga një e re shkaktoi aksident teksa lëvizte me shpejtësi mbrëmë në një nga rrugët kryesore të qytetit të Durrësit, pranë rrethrrotullimit te Pallati i Sportit.
Paraprakisht, deklarohet se drejtuesja e automjetit ka humbur kontrollin mbi mjetin për shkak të lëvizjes mbi normat e shpejtësisë.
Pas kalimit të rreth-rrotullimit, 22-vjeçarja ka dalë nga rruga dhe mjeti i drejtuar prej saj u përplas me një automjet tjetër, si dhe me një nga dyqanet buzë rrugës. Mjeti ka përfunduar në hyrjen e një pallati, ndërkohë që shumë pranë ndodheshin dy persona, që fatmirësisht shpëtuan pa u dëmtuar. E reja u dërgua në Spitalin e Durrësit, ku ndodhet jashtë rrezikut për jetën. Sipas hetimeve paraprake dyshohet se shkak i aksidentit përveç shpejtësisë ka qenë edhe lagështia në rrugë.
