Një organizatë e trafikut të lëndëve narkotike, e cila operonte prej vitit 2017 është shkatërruar gjatë një operacioni ditën e djeshme në rajonin e Torino, në Itali. Në orët e para të ditës së 21 marsit, karabinierët e kompanisë Chivasso përfunduan një operacion antidrogë, duke arrestuar 9 persona, shumica prej tyre shqiptarë, kurse pjesa tjetër rumunë.
Hetimet nisën prej vitit 2021, por u thelluan më tej në vitin 2023 kur një shtetas shqiptar u ndalua në Castagneto me 200 gramë lëndë narkotike kokainë. Organizata ishte aktive në Milano dhe Torino, ku ishin rezidentë edhe të dyshuarit. Gjashtë prej të dyshuarve janë në qeli, një në detyrim për paraqitje dhe dy në arrest shtëpiak, informon media italiane.
