Marjana Koçeku, e njohur si "Neomalsorja" kandidate në listën e mbyllur të socialistëve në Shkodër ka reaguar lidhur me sulmet dhe krahasimet që po i bëhen me Lenka Çukon, e cila u bë anëtare e Byrosë Politike në moshën 33 vjeç pasi u mor nga fshati.
“Sa për krahasimet me Lenka Çukon, si një ish-studente e shkencave politike, ndjej keqardhje që disa prej jush u ka ngec sahati në të kaluemen dhe ende e ktheni kryet mbrapa për me gjetë ndonjë gjë të ngjashme me periudhën e realizmit socialist. Sepse unë, personalisht, besoj se gjaja ma e keqe që mundet me i ndodhë një kombi asht nostalgjia për komunizmin; si rrjedhojë, më vjen realisht gjynah për ju! Unë jam lindë e rritë në demokraci dhe udhëhiqem veç nga parimet e shenjta demokratike" ka shkruar ajo!. Ajo u vu në listën e mbyllur të PS-së në qarkun e Shkodrës bashkë me Xhenis Çelaj, vajza e deputetit të deritanishëm që iu bashkua socialistëve nga Partia e Lirisë, Agron Çela.
