Pas më shumë se një muaji Komisioni Qendror i Zgjedhjeve sot do të shpall rezultatet përfundimtare të Zgjedhjeve të 9 shkurtit.
Lajmin e ka konfirmuar zëdhënësi i KKQZ-së, Valmir Elezi.
LEXO EDHE:
Thaçi vizitë në Prishtinë, sigurimi i Hagës kthehet për t’i thënë disa fjalë mjekut që përqafoi ish-presidentin
“Mund t’iu konfirmoj se të shtunën, më 15 mars 2025, Komisioni Qendror i Zgjedhjeve do të mbajë mbledhjen e radhës dhe në rend dite është shpallja e rezultateve përfundimtare të Zgjedhjeve për Kuvendin e Republikës së Kosovës, 9 shkurt 2025. Për orën e saktë të mbledhjes së KQZ-së do t’iu njoftojmë me kohë”.
Sipas rezultateve asnjëra parti nuk ka siguruar numër të mjaftueshëm për të qeverisur e vetme.
Vetëvendosja mori mbi 396 mijë vota nga të gjitha kategoritë e votuesve dhe fitoi mbështetjen më të madh nga votuesit brenda dhe jashtë Kosovës. Kurti bëri një matje force në këto zgjedhje duke hyrë në garë në një situatë jo të mirë të marrëdhënieve me ndërkombëtarët dhe pa influencën e Vjosa Osmanit si kandidate.
PDK shpallet forcë e dytë me mbi 196 mijë vota të marra nga votuesit. Ajo siguron vendin e forcës së parë opozitare në vend duke mos ia dalë dot të rrëzojë Albin Kurtin nga qeverisja.
Lidhja Demokratike e Kosovës rezulton forcë e tretë me mbi 171 mijë vota ndërsa koalicioni i Ramush Haradinajt arriti të marrë pak më shumë se 66 mijë vota.
Ndarja e mandateve
VV – 48 mandate
PDK – 24 mandate
LDK – 20 mandate
AAK NISMA- 8 mandate
Lista Serbe – 9 mandate
Partia serbe LDM – 1 mandat.
Partitë joserbe – 10 MANDATE
Për të pasur shumicën, nevojiten së paku 61 deputetë në Kuvendin me 120 ulëse të Kosovës.
Si partia e parë, Vetëvendosje i ka fituar 396.022 vota, apo 42.27 për qind, duke i siguruar 48 ulëse.
Udhëheqësi i saj, kryeministri Albin Kurti, është zotuar se do ta formojë qeverinë në mënyrë të pavarur.
Partitë aktualisht në opozitë, përveç Nismës, e kanë përjashtuar mundësinë e koalicionit me të.
