Partia Demokratike po zhvillon pasditen e kësaj të shtune protestën e thirrur për mbylljen e aplikacionit TikTok. Protesta ka nisur në orën 19:00 para kryeministrisë.
Të rinjtë demokratë po udhëheqin protestën sot duke mbajtur dhe fjalime. Një prej tyre ka ironizuar edhe fjalimet e mbajtura nga të rinjtë socialistë në Kuvendin Rinor të PS.
Berberi: Ne nuk jemi petalet e trëndafilit socialist, jemi qytetarë të fjalës së lirë. Edvin Rama ti deri më 12 maj ti mund të mbyllësh çfarëdo rrjeti social, por ki parasysh që kur të mbyllësh tiktokun në fund do të marrësh noc rrokun. Kur të mbyllësh tiktokun në fund do të biesh në kënetë. Në fund do të haj bufi i kënetës si një zvarranik pa shtyllë kurrizore që e vetmja gjë që di të bësh është falli që hedh te kafenetë e lagjes.
Qytetarët mbajnë në duar pankarta para kryeministrisë, ku shkruhet "E çove dhe Tik-Tok-un në emigracion", "Martinin e vrau qeveria jo TikToku", "Kundër censurës" etj.
