Mbrëmjen e kësaj të hëne, kryeministri Edi Rama shkoi sërish në Bashkinë e Tiranës. Mediat raportojnë se ai ka zhvilluar një takim me kryetaren e komanduar të kësaj bashkie, Anduela Ristani, nënkryetarët dhe drejtorët.
Sipas të njëjtave burime takimi ka qenë i shkurtër dhe nuk dihet se për çfarë është folur. Kryeministri Rama ka shkuar shpesh në bashkinë e Tiranës pas arrestimit të Veliajt. Madje ai është parë të inspektojë edhe disa nga punët publike të kryeqytetit.
Të martën kryebashkiaku i Tiranës Erion Veliaj do të paraqitet në Gjykatën e Posaçme të Apelit ku do të shqyrtohet kërkesa e tij për zbutjen e masës së sigurisë “arrest me burg”. ©LAPSI.al
