Në një podcast me Mira Kazhanin, Majlinda Bregu flet për jetën larg të qenit politikane, por flet edhe për peshën e të qenit grua në politike e sidomos për presionin shoqëror mbi gratë.
Ish ministrja e PD-së tregon gjatë intervistës në nota ironie sesi u ndje kur e larguan nga PD-ja.
“Më pushuan nga një punë që e doja. Pastaj prisnin që unë 45 vjeç të rrija pa punë. Në dallim me tymnajën e rrjeteve sociale, kam patur dhe kam nevojë të punoj", tha Majlinda Bregu.
Bregu lë të kuptojë se funksioni i saj në krye të RCC nuk u prit mirë nga partia e saj.
E pyetur për politikën sot?
Majlinda Bregu thotë:
"Unë do doja shumë që Shqipëria të mos kishte këtë pjesën e shkatërrimit të ndërsjellë i cili në fund të ditës nuk prodhon asgjë. Ky është një problem shumë i madh që ka karakterizuar politkën vitet e fundit. Se në fakt, kur një forcë politike, ajo që është në pushtet, mendon se është e vetmja e pushtetshme dhe shkatërrimi i forcës tjetër politike, dobësimi i saj, edhe vetëshkatërrimi për të thënë të vërtetën.
E ndihmon në njëfarë mënyre se i jep shanse më shumë për të fituar dhe për ta patur pushtetin në duart e veta në një plan pak afatgjatë, do të thotë që deri diku ti ke projektuar edhe shkatërrimin tënd.", tha Bregu në ZëmeMirën Podcast.
Mira Kazhani e pyet në fund nëse ka një parashikim për 11 majin dhe Bregu thotë se di vetëm që do të votojë për partinë e saj.
https://www.youtube.com/watch?v=K_f-1YsTqLM
