Një person i pajetë është gjetur në trafikndarësen e autostradës “Milot-Thumanë”.
Trupi është gjetur nga punonjësit e mirëmbajtjes në anë të rrugës. Nga hetimet paraprake dyshohet se viktima i identifikuar si shtetasit E. N., 49 vjeç mund të ketë humbur jetën para disa muajsh si pasojë e përplasjes nga automjetet.
"Rreth orës 08:50, është gjetur në trafikndarësen e autostradës “Milot-Thumanë”, në fshatin Shullaz, një trup njeriu, i dekompozuar. Nga verifikimet paraprake dyshohet se trupi i përket shtetasit E. N., 49 vjeç, banues në Laç. Gjithashtu, nga veprimet paraprake dyshohet se ky shtetas e ka humbur jetën para disa muajsh, si pasojë e një aksidenti rrugor. Grupi hetimor, në drejtimin e Prokurorisë, po punon për dokumentimin e shkakut të vdekjes së këtij shtetasi", njofton policia.
