“Interin e kam mundur dhe në fushë ishin Ronaldo, Seedorf, Zanetti…”
Van Persie do të përballet sërish me Interin në Europë, me një precedent që tekniku i Feyenoordit e kujton me kënaqësi, pasi i solli fat: “E mbaj mend shumë mirë atë përballje dyshe ndaj Interit. Në të dyja ndeshjet hyra nga stoli. Në fund, duke u mbrojtur mirë dhe me pak fat, kaluam ne.” Mendja i kthehet vitit 2002, kur Van Persie ishte në fillimet e karrierës dhe u përball me Interin e drejtuar nga Héctor Cúper në një gjysmëfinale historike të Kupës UEFA, ku kaluan holandezët: “Ishte një Inter shumë i fortë,” kujton trajneri aktual i Feyenoordit. “Në fushë ishin lojtarë si Ronaldo, Seedorf, Zanetti. Unë dhashë një asist, bëra një ‘trick’ à la Zidane dhe u dëmtova, gjithçka njëherësh. Asokohe luaja me dhimbje në ijë, por doja të isha në fushë dhe nuk i thashë asgjë trajnerit tim. Sot, nëse ndonjë lojtar i imi do të bënte të njëjtën gjë, nuk do të isha i lumtur.”“Do të sajoj ndonjë surprizë të vogël”
Sa i përket mungesave, Feyenoord po ashtu ka disa probleme, përfshirë një mungesë të rëndësishme. Read, i vetmi mbrojtës i djathtë natyral, u skualifikua pas kartonit të kuq që mori në fund të ndeshjes ndaj Milanit. Minutat e tensionuara në “San Siro” i kushtuan shumë 18-vjeçarit holandez, i përfshirë në një përplasje pranë vijës anësore, duke lënë ekipin e tij në vështirësi për ndeshjen ndaj Interit. Tani Feyenoordi duhet ta përballojë sfidën e parë pa asnjë lojtar natyral për rolin e mbrojtësit të djathtë: “Dëmtimet nuk do të jenë një justifikim,” tha Van Persie në konferencë para ndeshjes. “Qëllimi ynë është të luajmë sa më mirë me lojtarët që kemi dhe të mos mendojmë për mungesat. Djemtë janë gati të japin maksimumin, edhe pse mungesa e Read është një problem. Nuk kemi asnjë lojtar natyral në atë krah, ndaj do të duhet të sajoj diçka dhe do të ketë një surprizë të vogël.”“Do t’i hiqja Inter disa lojtarë, por e dimë çfarë duhet të bëjmë”
Van Persie, i cili do të debutojë në pankinën e Feyenoordit në Champions pas marrjes së detyrës në fund të shkurtit, nuk ka zbuluar planet e tij taktike, duke përdorur lojën e zakonshme psikologjike para ndeshjes ndaj një Interi që e sheh si shumë të rrezikshëm: “Janë të fortë, do të doja të mund t’u hiqja më shumë se një lojtar nga skuadra. Janë të organizuar në mbrojtje, të rrezikshëm në sulm dhe të shkëlqyer në mesfushë. Kanë një fazë ndërtimi loje shumë të mirë dhe mund të na shkaktojnë probleme. Por unë kam parë përqendrimin e duhur te djemtë e mi. Jemi gati të luajmë kundër më të mirëve dhe unë do të paguaja për të qenë në fushë në këto ndeshje.”?? ????????? ??? ???? ? Dankzij de schorsing van Givairo Read moet Van Persie improviseren op de rechtsbackpositie ♟️ Wie denk jij dat er gaat starten morgen? ?#VanPersie #Feyenoord #UCL pic.twitter.com/2R8Vd4LIdN
— VoetbalPrimeur (@VoetbalPrimeur) March 4, 2025
