Gjykata e Posaçme rrëzon kërkesën e Veliajt për kthimin e telefonit të sekuestruar në momentin e arrestimit. Veliaj pretendonte se telefoni i tij është sekuestruar në mënyrë të paligjshme në momentin që u arrestua në zyrën e tij si kryebashkiak i Tiranës në datën 10 shkurt.
Kryetari i Bashkisë së Tiranës përballet me disa akuza për veprën e “Korrupsionit pasiv të funksionarëve të lartë shtetërorë ose të zgjedhurve vendorë”, “Korrupsion aktiv”, “Pastrimin e produkteve të veprës penale” dhe “Fshehjen ose deklarimin e rremë të pasurisë”.
Ndaj Veliajt është miratuar masa e sigurisë “arrest me burg”. Gjykata ka miratuar masën e sigurisë “arrest në shtëpi” për bashkëshorten e Veliajt, Ajola Xoxaj.
Zyrtarë të Byrosë Kombëtare të Hetimit kryen disa herë kontrolle në ambientet e biznesit të bashkëshortes së Veliajt, Ajola Xoxa, dhe vëllait të tij, Arbi Veliaj para arrestimeve.
