Kryetari i Partisë Demokratike, Sali Berisha ka konfirmuar këtë të hënë se kreu i Partisë së Lirisë, Ilir Meta i ndodhur në burg do të jetë në listat e mbyllura të PD për zgjedhjet e 11 majit.
Jashtë ambjenteve të SPAK aty ku u paraqit në zbatim të masës detyrim paraqitje, Berisha deklaroi për gazetarët se Meta do të jetë deputet i Parlamentit në seksionin e ardhshëm në shtator.
“Ilir Meta është i burgosur politik dhe ka mbështetjen e opozitës shqiptare. Lista të hapura, mund të bëjë fushatë ai nga burgu? Donte të ishte në lista të hapura, por u burgos. Ai do të jetë deputet në Parlament ndërsa Edi Rama do të jetë aty ku e meriton. Do të ekstradohet te McGonigal”, tha Berisha.
