Milan, në ndeshjen e javës së 27-të të Serie A, pëson humbjen 2-1 në San Siro përballë Lazios. Kjo është humbja e tretë radhazi për Milan dhe duke hequr përfundimisht shpresat për një vend në Ligën e Kampionëve. Ndërsa Lazio ngjitet në vendin e katërt, duke pritur ndeshjen Juventus-Verona.
Ekipi vizitor ishte dukshëm më i mirë gjatë pjesës së parë dhe kaloi në avantazh me një gol të Zaccagnit pas një pasimi të shkurtër. Milan reagoi në pjesën e dytë, por mbeti me 10 lojtarë që nga minuta e 68', kur Pavlovic bëri një faull të rëndë ndaj Isaksen. Trajneri Conceição luajti gjithçka për gjithçka, duke futur edhe Chukwueze, i cili gjeti barazimin me një goditje me kokë në minutën e 85'. Në minutat e fundit të shtesës, Maignan ndali Isaksen. Pas shqyrtimit nga VAR-i, gjyqtari Manganiello akordoi një 11-metërsh, të cilin Pedro e shndërroi në gol (98').
Rezultatet e ndeshjeve të tjera
- Monza 0-2 Torino
- Bologna 2-1 Cagliari
- Genoa 1-1 Empoli
- AS Roma 2-1 Como 1907
