Numri i të regjistruarve nga diaspora për zgjedhjet parlamentare të 11 majit ka shkuar në 200.117. Të gjithë shqiptarët që jetojnë jashtë kanë kohë të regjistrohen deri më 4 mars për të ushtruar të drejtën e tyre. Deri më tani kërkesa më e lartë për regjistrim është nga Italia, Gjermania, Greqia dhe Amerika.
Sipas të dhënave, 247,636 persona kanë bërë kërkesë për regjistrim, kurse 41,138 u është refuzuar kërkesa. Për votuesit nga jashtë të cilëve mund t’u refuzohet kërkesa për t’u regjistruar pasi nuk kanë plotësuar kriteret, Kryekomisionieri Celibashi ka theksuar më parë se nuk do ketë penalizime. Ata do mund të ripalikojnë sa herë të duan deri në datën e afatit të fundit.
