Një 39-vjeçar në Durrrës është vendosur në pranga pasi kërcënoi me armë sportive policët e bashkisë pas një konflikti.
Sipas njoftimit të policisë Gentjan Kërçuku iu prezantua efektivëve si punonjës i strukturave ligjzbatuese, konkretisht si punonjës i SPAK.
Burime bëjnë me dije se shkak ka qenë një ndalim kundravajtje i automjetit të 39-vjeçarit. Në momentin që blutë i kanë kërkuar të largohet ka filluar edhe debati mes palëve.
"Kanosi me armë sportive, punonjësit e Policisë Bashkiake, duke u prezantuar si oficer i strukturave ligjzbatuese, Policia kap dhe vë në pranga 39-vjeçarin. Sekuestrohet arma sportive (pistoletë). Specialistët për Hetimin e Krimeve të Komisariatit Durrës arrestuan në flagrancë shtetasin G. K., 39 vjeç, banues në Tiranë, pasi gjatë një konflikti për motive të dobëta, ka kanosur me armë sportive pistoletë, punonjësit e Policisë Bashkiake, duke u prezantuar si punonjës i strukturave ligjzbatuese. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme", njofton policia.
